Read Свето Писмо: Стандардна Библија 2006 (со девтероканонски книги) Псалми 14 Bible Online

Псалми 14 - Свето Писмо: Стандардна Библија 2006 (со девтероканонски книги) bible

Псалми 14

¹Рече безумниот во срцето свое: „Нема Бог.“ Се развратија луѓето, вршат гнасни дела, нема кој да прави добро.

²Господ погледна од небесата со внимание кон синовите човечки, за да види, има ли некој разумен, кој Го бара Бога.

³Сите застранија, сите станаа лоши, нема кој да прави добро, нема ниту еден.

⁴Зар нема да се вразумат сите злосторници, кои така го јадат народот Мој, како што јадат леб, и кои не Го повикуваат Господа?

⁵Таму тие ќе се тресат од страв, каде што нема страв, зашто Господ е со родот на праведните.

⁶Вие ги осуетувате намерите на сиромашниот, но Господ е негово прибежиште.

⁷Ах да дојде од Сион спасение на Израел! Кога Господ ќе ги обнови благословите над Својот народ, тогаш ќе се зарадува Јаков, и ќе се развесели Израел.