Read Свето Писмо: Стандардна Библија 2006 (со девтероканонски книги) Псалми 141 Bible Online

Псалми 141 - Свето Писмо: Стандардна Библија 2006 (со девтероканонски книги) bible

Псалми 141

¹Господи, кон Тебе повикав: слушни ме, чуј го гласот на молењето мое, кога повикувам кон Тебе!

²Нека се исправи пред Тебе молитвата моја како темјан, а воздигањето на рацете мои — како жртва вечерна.

³Постави, Господи, стража пред устата моја и врата на усните мои;

⁴не давај да застрани срцето мое кон зло, да врши грешни дела заедно со луѓето, кои вршат беззаконија; јас нема да се гоштевам од нивните наслади!

⁵Праведниот нека ме казнува, светиот нека ме изобличува, но не давај миро на грешник да ја помаже главата моја; зашто и молитвата моја се противи на нивната злоба.

⁶Кога ќе бидат предадени на оние што ќе ги казнат, тогаш ќе сфатат дека моите зборови беа пријатни.

⁷Како кога грутка земја ќе падне се растура, така ќе се растурат коските нивни во пеколот.

⁸Но кон Тебе, Господи, Господи, се управени очите мои; во Тебе се надевам, не оставај ме без одбрана!

⁹Запази ме од стапиците што ми ги поставија, и од примките на оние што вршат беззаконија.

¹⁰Грешниците нека паднат во своите мрежи, додека јас да поминам.