Read Свето Писмо: Стандардна Библија 2006 (со девтероканонски книги) Псалми 148 Bible Online

Псалми 148 - Свето Писмо: Стандардна Библија 2006 (со девтероканонски книги) bible

Псалми 148

¹Алилуја! Фалете Го Господа на небесата, фалете Го, на висините.

²Фалете Го, сите ангели Негови, фалете Го, сите војски Негови.

³Фалете Го, сонце и месечино, фалете Го сите ѕвезди и светила.

⁴Фалете Го, небеса на небесата и води над небесата.

⁵Нека го фалат името на Господ, зашто Тој заповеда — и се создадоа;

⁶ги постави засекогаш и за вечни времиња; даде наредби кои нема да се нарушат.

⁷Фалете Го Господа од Земјата, вие, сите чудовишта и бездни;

⁸огнот и градот, снегот и мразот, и ти, бурен ветру, кој го исполнуваш словото Негово;

⁹гори и сите возвишенија, плодородни дрвја и сите кедри,

¹⁰ѕверови и сиот добиток, влекачи и птици крилати,

¹¹цареви земни и сите народи, кнезови и сите земни судии,

¹²момчиња и девојки, старци и деца —

¹³сите нека го фалат името на Господ; зашто е само Неговото име возвишено; Него Го фалат на небото и на Земјата.

¹⁴Тој ќе ја подигне силата на Својот народ; Тој ги прославува сите Свои светии, синовите Израелови, на народот, кој Му е близок.