Read Свето Писмо: Стандардна Библија 2006 (со девтероканонски книги) Псалми 2 Bible Online

Псалми 2 - Свето Писмо: Стандардна Библија 2006 (со девтероканонски книги) bible

Псалми 2

¹Зошто се бунат народите, и племињата смислуваат лоши работи?

²Се креваат царевите земски, и кнезовите се собираат заедно против Господ и Неговиот Помазаник.

³„Да ги раскинеме веригите нивни и да го отфрлиме од себе јаремот нивни.“

⁴Оној, Кој живее на небесата, им се смее, Господ им се подбива.

⁵Тогаш во гневот Свој ќе им говори и со јароста Своја ќе ги вџаши, велејќи:

⁶„Јас си поставив Свој Цар на Сион, на Мојата света гора!“

⁷Ќе ја објавам одлуката Господова, Тој Ми рече: „Ти си Син Мој, Јас денес Те родив.“

⁸И побарај од Мене, и ќе Ти ги дадам народите во Твое наследство, и краиштата на земјата — во Твое владеење.

⁹Ти ќе ги пасеш со железен жезол; ќе ги разбиваш како грнчарски сад.

¹⁰И сега цареви, вразумете се; поучете се, судии земни!

¹¹Служете Му на Господ со страв и со трепет.

¹²Почитувајте Го Синот, та да не се разгневи, и на патот свој да не погинете; зашто Неговиот гнев брзо ќе се разгори. Блажени се сите, кои кај Него прибегнуваат.