Read Свето Писмо: Стандардна Библија 2006 (со девтероканонски книги) Псалми 28 Bible Online

Псалми 28 - Свето Писмо: Стандардна Библија 2006 (со девтероканонски книги) bible

Псалми 28

¹Кон Тебе, Господи, викам, карпо моја; не оглушувај се кон мене, та да не заприлегам при Твоето молчење на оној што слегува во гроб!

²Чуј го гласот на молитвите мои, кога викам кон Тебе, кога кревам раце кон Твојот свет храм.

³Не земај ме со нечестивци и злосторници, кои со ближните свои говорат за мир, а во срцето смислуваат зло.

⁴Возврати им, Господи, според нивните дела, според нивните лоши постапки; според делата на нивните раце, возврати им го она што го заслужиле!

⁵Бидејќи тие немаат почит кон делата на Господ, ниту кон делата на рацете Негови; Тој ќе ги собори и нема да ги подигне.

⁶Благословен е Господ, зашто Тој го чу гласот на молитвите мои.

⁷Господ е крепост моја и штит мој; во Него има верба срцето мое и Тој ми помага; затоа се радува срцето мое и јас ќе Го прославувам со песна.

⁸Господ е крепост на Својот народ и спасоносно прибежиште за Својот помазаник.

⁹Спаси го народот Свој и благослови го наследството Твое; биди им Пастир и носи ги довека!