Read Свето Писмо: Стандардна Библија 2006 (со девтероканонски книги) Псалми 29 Bible Online

Псалми 29 - Свето Писмо: Стандардна Библија 2006 (со девтероканонски книги) bible

Псалми 29

¹Воздајте Му на Господ, синови Божји, воздајте Му на Господ слава и моќ,

²воздајте Му слава на Господ на името Негово, поклонете Му се на Господ во Неговото светилиште.

³Гласот Господов е над водите; Бог на славата грми, Господ над силните води.

⁴Гласот Господов е во силата, гласот Господов полн со величественост.

⁵Гласот Господов крши кедри; ги крши Господ кедрите леванонски,

⁶и направи како теле да потскокнува Ливан, а Сирион — како младо биволче.

⁷Гласот Господов фрла огнен пламен.

⁸Гласот Господов ја потресува пустината; ќе ја затресе Господ пустината Кадис.

⁹Гласот Господов ги породува бремените кошути и ги оголува горите; и во храмот Негов секој ја возвестува славата Негова.

¹⁰Господ седи на престолот над водите, и ќе седи Господ како цар довека.

¹¹Господ ќе му даде сила на Својот народ, Господ со мир ќе го благослови народот Свој.