Read Свето Писмо: Стандардна Библија 2006 (со девтероканонски книги) Псалми 30 Bible Online

Псалми 30 - Свето Писмо: Стандардна Библија 2006 (со девтероканонски книги) bible

Псалми 30

¹Ќе Те величам, Господи, зашто ме извлече и не допушти непријателите мои да се радуваат над мене.

²Господи, Боже мој, повикав кон Тебе, и Ти ме исцели.

³Господи, Ти ја изведе душата моја од светот на мртвите и ме спаси од слегување во гроб.

⁴Пејте Му на Господ, верници Негови, благодарете Му на Неговото свето име,

⁵зашто гневот Му трае само миг, а вечна е милоста Негова: плачот трае преку ноќта, но утрото носи голема радост.

⁶И јас си реков во изобилието мое: „Нема да се поколебам довека.“

⁷Господи, според милоста Твоја Ти ме утврди како гора; но штом го сокри лицето Свое, јас се исплашив.

⁸Тогаш кон Тебе, Господи, повикав и на мојот Бог, Му се помолив:

⁹„Каква полза од крвта моја, ако слезам во гроб? Ќе Те слави ли правот, ќе ја објави ли тој верноста Твоја?“

¹⁰Чуј ме, Господи и смилувај се, биди помошник мој.

¹¹Ти ја претвори тагата моја во радост, го симна од мене вреќиштето и ме препаша со веселба,

¹²за да Те слави душата моја и да не замолкне; Господи, Боже мој, вечно ќе те славам!