Read Свето Писмо: Стандардна Библија 2006 (со девтероканонски книги) Псалми 46 Bible Online

Псалми 46 - Свето Писмо: Стандардна Библија 2006 (со девтероканонски книги) bible

Псалми 46

¹Бог ни е нам прибежиште и сила, докажан помошник, во неволја.

²Затоа нема да се уплашиме, па макар и земјата да се разниша, и горите да се срушат во срцето морско.

³И ако бучат и се креваат водите нивни, и да се тресат горите од жестината нивна.

⁴Речните потоци го веселат Божјиот град, Светото живеалиште на Севишниот.

⁵Бог е среде него; тој нема да се разниша: Бог ќе му помогне уште пред зори.

⁶Се збунија народите; се потресоа царствата; го пушти Својот глас, и земјата се топи.

⁷Господ Саваот е со нас, Јакововиот Бог е наше прибежиште.

⁸Дојдете и видете ги делата Божји — пустошењата што ги направи Тој на Земјата.

⁹Прекратувајќи ги војните до крајот на Земјата, ќе го скрши лакот и ќе го здроби копјето, и штитовите големи со оган ќе ги изгори.

¹⁰Застанете и разберете дека Јас сум Бог, возвишен над народите, возвишен над Земјата.

¹¹Господ Саваот е со нас, Јакововиот Бог е наше прибежиште.