Read Свето Писмо: Стандардна Библија 2006 (со девтероканонски книги) Псалми 5 Bible Online

Псалми 5 - Свето Писмо: Стандардна Библија 2006 (со девтероканонски книги) bible

Псалми 5

¹Чуј ги, Господи, зборовите мои, разбери ги воздишките мои.

²Чуј го гласот на мојот повик, Царе мој и Боже Мој, зашто Тебе Ти се молам!

³Наутро го слушаш гласот мој, наутро застанувам пред Тебе и чекам.

⁴Зашто Ти си Бог, Кој не сака беззаконија; за лошиот нема место кај тебе:

⁵безбожниците нема да опстојат пред очите Твои; Ти ги мразиш сите што вршат неправда.

⁶Ти ги уништуваш сите лажливци; од крвопиец и лукав Господ се гнаси.

⁷А јас, пак, според Твојата голема милост, ќе влезам во Твојот храм и ќе паднам ничкум пред Твоето светилиште, со почит кон Тебе.

⁸Господи, води ме во Твојата правда, поради непријателите мои, патот Твој пред мене порамни го.

⁹Зашто во устата нивна нема вистина; во срцето им е измама; грлото им е отворен гроб; на јазикот, пак, ласкање.

¹⁰Казни ги, Боже, нека пропаднат од сопствените совети; поради многуте нечесни работи отфрли ги, бидејќи се кренаа против Тебе.

¹¹Па нека се зарадуваат сите, кои прибегнуваат кај Тебе: вечно нека се радуваат. Закрили ги, нека се радуваат во Тебе оние, што го сакаат името Твое.

¹²Зашто Ти, Господи, го благословуваш праведниот и со милоста Своја го закрилуваш, како со штит.