Read Свето Писмо: Стандардна Библија 2006 (со девтероканонски книги) Псалми 53 Bible Online

Псалми 53 - Свето Писмо: Стандардна Библија 2006 (со девтероканонски книги) bible

Псалми 53

¹Рече безумникот во срцето свое: „Нема Бог!“ Станаа развратни луѓето и гнасни во беззаконијата; нема кој да прави добро.

²Бог погледна од небесата кон синовите човечки, за да види, има ли некој што е разумен, што Го бара Бога.

³Сите тргнаа по лош пат, сите се расипани; нема кој да прави добро, нема ниеден.

⁴Зар нема да се вразумат оние што вршат беззаконие, оние што го јадат народот Мој, како што го јадат лебот, но Бога не Го повикуваат?

⁵Ќе затреперат тие од страв, страв каков што досега немало, зашто Господ ќе им ги растури коските на оние што те опколуваат. И тие ќе се посрамат, зашто Бог ги отфрли.

⁶Ех, кога би можело да дојде спасението за Израел од Сион?! Кога Бог ќе ги врати заробените од народот Свој, тогаш ќе се зарадува Јаков и ќе се развесели Израел.