Read Свето Писмо: Стандардна Библија 2006 (со девтероканонски книги) Псалми 60 Bible Online

Псалми 60 - Свето Писмо: Стандардна Библија 2006 (со девтероканонски книги) bible

Псалми 60

¹Боже, Ти нѐ отфрли и нѐ растури, се разгневи, но сега обнови нѐ пак!

²Ја потресе земјата и ја расече; стегни ги пукнатините нејзини, зашто таа се ниша.

³Ти му покажа на Твојот народ жестокост и нѐ напои со заносно вино.

⁴На оние, што се бојат од Тебе, им даде знак за да се избават од убојниот лак.

⁵За да се избават Твоите возљубени, спаси нѐ со Твојата десница и услиши нѐ.

⁶Рече Бог во Своето светилиште: „Со веселба ќе го разделам Сихем и ќе ја премерам долината на Сукот заради поделба.

⁷Мој е Галаад, и Мој е Манасија, и Ефрем е шлем на главата Моја, и Јуда е жезол Мој.

⁸Моав Ми е леген за миење, врз Едом го фрлам чевелот Свој,

⁹Кој ќе ме воведе во укрепениот град? Кој ќе ме доведе до Едом?

¹⁰Зар не Ти, Боже, Кој нѐ отфрли? Ти веќе не излегуваш, Боже, со нашите војски.

¹¹Помогни ни против непријателите, зашто од човекот нема спасение.“

¹²Со Бога храбро ќе се бориме, Тој ќе ги уништи нашите мачители.