Read Свето Писмо: Стандардна Библија 2006 (со девтероканонски книги) Псалми 7 Bible Online

Псалми 7 - Свето Писмо: Стандардна Библија 2006 (со девтероканонски книги) bible

Псалми 7

¹Господи, Боже мој, кај Тебе се засолнувам, спаси ме од сите што ме гонат, и избави ме;

²зашто тие како лавови ќе ме зграбат, ќе ме влечат, а ќе нема кој да спасува.

³Господи, Боже мој, ако го направив тоа, ако има неправда во рацете мои;

⁴ако зло им вратив на пријателите мои, или без причина сум ги ограбил непријателите,

⁵нека ја гони непријателот душата моја, и нека ја стигне, и нека го згази животот мој на земјава, душата во прав нека ми ја претвори.

⁶Стани, Господи, во гневот Свој; крени се против жестината на непријателите мои; стани, Господи, Ти Си одредил суд.

⁷Нека се собере народен собир околу Тебе; и Ти издигни се над него високо.

⁸Господ им суди на народите. Суди ми, Господи, според правдата моја и според невиноста моја.

⁹Стави ѝ крај на злобата на нечестивите, а праведниот зацврсти го, Ти, кој ги испитуваш срцата и бубрезите, праведен Боже.

¹⁰Бог ми е штит, Тој ги спасува оние што се со чисти срца.

¹¹Бог е праведен судија, и секојдневно предупредува.

¹²Ако не се покаете, Тој ќе го очисти Своето оружје, ќе го затегне Својот лак и ќе го насочи,

¹³и затега смртна стрела, а стрелите Свои ги вжарува.

¹⁴И, ете, кај безбожникот сѐ повеќе неправда, па се зачна злоба, а тоа роди беззаконие,

¹⁵па си копа и ископа јама, и падна во јамата, што ја направи,

¹⁶и злобата негова му падна на главата негова, а врз неа и насилството негово слезе.

¹⁷Го прославувам Господа поради правдата Негова и Му пеам на името на Господ, Севишниот.