Read Свето Писмо: Стандардна Библија 2006 (со девтероканонски книги) Псалми 83 Bible Online

Псалми 83 - Свето Писмо: Стандардна Библија 2006 (со девтероканонски книги) bible

Псалми 83

¹Не премолчувај, не оглушувај се и не мирувај, Боже!

²Зашто ете Твоите непријатели вреват, а оние што Те мразат, кренаа глава;

³против Твојот народ зло наумија и се советуваат против Твоите приврзаници;

⁴рекоа: „Да одиме и да го истребиме меѓу народите, па да не се спомнува повеќе името Израел!“

⁵Се договорија еднодушно, склучија против Тебе сојуз;

⁶шаторите на Едом и Јишмаелците, на Моав и Агарјаните;

⁷Гевал, Амон, Амалик и Филистејците со оние што живеат во Тир,

⁸бидејќи и Ашур се придружи кон нив, па станаа помош за синовите Лотови.

⁹Направи им го истото, како што им направи на Мидјаните, како и на Сисера, како и на Јавин кај потокот Кишон,

¹⁰кои беа истребени во Ен-Дор и станаа ѓубриво за земјата.

¹¹Постапи со нив, со нивните кнезови, како со Орев и Зев и со сите нивни кнезови, како со Зевеја и Салмана,

¹²бидејќи рекоа: „Да го присвоиме за себе светилиштето Божјо!“

¹³Боже мој, заповедај да станат како виор и како плева пред ветар;

¹⁴како оган што изгорува дубрави, и како пламен што запалува гори,

¹⁵така и Ти подгони ги со Својот виор, застраши ги со Својот гнев!

¹⁶Исполни ги лицата нивни со бесчестие, па да го побараат името Твое, Господи!

¹⁷Да се засрамат и да се збунат засекогаш, да се посрамат и да загинат,

¹⁸и да познаат дека Ти си Тој, чие име е Господ и дека Ти си единствен Севишен над целата Земја.