Read Свето Писмо: Стандардна Библија 2006 (со девтероканонски книги) Изреки 9 Bible Online

Изреки 9 - Свето Писмо: Стандардна Библија 2006 (со девтероканонски книги) bible

Изреки 9

¹Мудроста си изгради дом, ги утврди седумте столбови негови,

²ги закла своите жртви, го расточи во чаша виното свое и ја приготви трпезата своја;

³ги испрати слугите свои да огласат од градските височини:

⁴„Кој е неразумен, да наврати тука!“ И на малоумните таа им рече:

⁵„Дојдете, јадете го лебот мој и пијте го виното, што сум го приготвила;

⁶оставете ја неразумноста, и ќе живеете; одете по патот на разумот.“

⁷Кој поучува бесрамник, ќе си спечали укор, и кој го разобличува нечестивецот — срам.

⁸Не изобличувај го бесрамникот, за да не те намрази; поучувај го мудриот, и тој ќе те засака.

⁹Дај му совет на мудриот, и тој ќе биде уште помудар; научи го праведниот, и тој ќе го збогати своето знаење.

¹⁰Почеток на мудроста е верноста кон Господ, а почитувањето на Светиот е разум;

¹¹зашто преку мене ќе ти се умножат дните, и ќе ти се додадат години на животот.

¹²Ако си мудар, мудар си за себеси; и ако си лош, самиот ќе страдаш.

¹³Жена без расудување е зборлива, безумна и ништо не разбира,

¹⁴седнува пред куќната врата на стол, по високите места на градот,

¹⁵за да им вели на минувачите, што си одат право по патот:

¹⁶„Кој е глупав, нека наврати тука“, а на малоумните им вели:

¹⁷„Крадената вода е слатка, и сокриениот леб е — пријатен.“

¹⁸И тој не знае дека таму се мртовците, и дека поканетите од неа се на дното од пеколот.