Read Свето Писмо: Стандардна Библија 2006 (со девтероканонски книги) Исаија 4 Bible Online

Исаија 4 - Свето Писмо: Стандардна Библија 2006 (со девтероканонски книги) bible

Исаија 4

¹Во оној ден, седум жени ќе се фатат за еден маж и ќе речат: „Свој леб ќе јадеме и своја облека ќе носиме, доста е само да се нарекуваме со твоето име — симни го од нас срамот наш!“

²Во оној ден фиданката Господова ќе се јави во убавина и чест, а плодот на земјата — во величие и слава, за спасените синови израелски.

³Тогаш преостанатите на Сион и преживеаните во Ерусалим — сите, запишани како да живеат во Ерусалим, ќе се нарекуваат свети,

⁴кога Господ ќе ја измие нечистотијата на ќерките сионски и ќе ја исчисти крвта на Ерусалим од средината негова со дух, кој суди и со дух, кој пали.

⁵И ќе направи Господ над секое место на гората Сион и над собранијата, облак и дим дење, а блесок од пламнат оган — ноќе; зашто слава ќе покрива сѐ.

⁶И ќе има шатор за сенка дење од припек и засолниште и заклон од лошо време.