Read Свето Писмо: Стандардна Библија 2006 (со девтероканонски книги) Еремија 47 Bible Online

Еремија 47 - Свето Писмо: Стандардна Библија 2006 (со девтероканонски книги) bible

Еремија 47

¹Слово Господово што дојде до пророкот Еремија за Филистејците, пред фараонот да ја порази Газа.

²Така вели Господ — еве, се креваат од север води, што ќе се претворат во буен поток и ќе ја потопат земјата и сѐ што ја исполнува, градот и жителите во него: тогаш ќе повикаат луѓето и ќе заплачат сите жители на земјата.

³Од тропотот на копитата од силните коњи и од татнежот на неговите коли, од чкртањето на тркалата нивни, татковците не ќе можат да управат поглед кон децата свои, бидејќи рацете нивни ќе им отпаднат

⁴од оној ден што ќе дојде да ги сотре сите Филистејци, да ги оттргне од Тир и Сидон сите други помошници, бидејќи Господ ќе ги разори Филистејците, остатокот од островот Кафтор.

⁵Ќе оќелавее Газа, ќе пропадне Ашкелон и остатокот од нивната долина.

⁶До кога ќе сечеш, о мечу Господов, кога ќе престанеш? Врати се во ножницата своја, престани и одмори се.

⁷Но, како да се одмориш, кога Господ заповеда против Ашкелон и против морскиот брег; кон кои Тој го насочи.