Read Свето Писмо: Стандардна Библија 2006 (со девтероканонски книги) Езекиел 35 Bible Online

Езекиел 35 - Свето Писмо: Стандардна Библија 2006 (со девтероканонски книги) bible

Езекиел 35

¹И дојде слово Господово до мене:

²„Сине човечки, сврти го лицето свое кон планината Сеир, изречи против неа пророштво.

³И кажи ѝ: Вака вели Господ Бог — еве, Јас сум против тебе, планино Сеир, ќе ја протегнам против тебе раката Своја и ќе те направам пуста и ненаселена.

⁴Градовите твои ќе ги претворам во урнатини и ти самата ќе запустиш и ќе познаеш дека Јас сум Господ.

⁵Бидејќи во тебе има вечно непријателство и синовите Израелови ги предаваше на меч во време на нивните маки, дури и при крајот на нивните беззаконија.

⁶Затоа, жив сум Јас, вели Господ Бог, бидејќи со крв си згрешила и крвта ќе те прогони; те гонам; бидејќи крвопролевање не си мразела, затоа крвта ќе те гони.

⁷Планината Сеир ќе ја направам пуста и степа без живот, и ќе истребам во неа — и човек што доаѓа и човек што си оди.

⁸И ќе ги наполнам идолските светилишта со нејзините убиени; по твоите ридишта и по твоите долини и по сите твои полиња ќе паѓаат поразени од меч.

⁹Ќе те направам вечна пустина и во твоите градови ќе нема живот, па ќе познаеш дека Јас сум Господ.

¹⁰Бидејќи ти велеше — овие два народа и овие две земји ќе бидат мои и ние ќе владееме со нив, иако е Господ таму.

¹¹Затоа, жив сум Јас, вели Господ Бог; ќе постапам со тебе според мерката на твојата омраза и твојата завист, што ја искажуваше од омразата кон нив, и ќе им се јавам кога ќе ти судам.

¹²И ќе познаеш дека Јас, Господ, ги чув сите твои навреди што ги искажуваше против планините израелски, велејќи: ‚запустеа, нам ни се дадени за храна!‘

¹³Вие се гордеете пред Мене со јазикот свој и ги умножувате зборовите свои против Мене; Јас го чув тоа.

¹⁴Така вели Господ Бог: кога целата земја ќе се радува, Јас ќе те направам пустина.

¹⁵Како што се радуваше, што делот од Израеловиот дом запусти, така ќе направам и со тебе — ќе бидеш опустошена, планино Сеир, и цел Едом заедно со тебе, па ќе познаат дека Јас сум Господ.“