Read Свето Писмо: Стандардна Библија 2006 (со девтероканонски книги) Осија 13 Bible Online

Осија 13 - Свето Писмо: Стандардна Библија 2006 (со девтероканонски книги) bible

Осија 13

¹Кога Ефрем зборуваше, сите трепереа. Тој беше првак во Израел; но се огреши со Ваал и загина.

²И сега продолжува да греши: направија идоли излеани од сребро, онака како што сами ги замислуваат — уметничка работа — па им велат на луѓето ним да им принесуваат жртви и да ги целиваат телињата.

³Поради тоа тие ќе бидат како утрена магла, како роса што брзо исчезнува, како плева што ветар ја однесува од гумното, како дим од оџак.

⁴Но Јас сум Господ, твојот Бог уште од земјата египетска — и ти не треба да имаш друг Бог освен Мене; нема Спасител освен Мене.

⁵Јас те хранев во пустината, во засушената земја.

⁶Јас ги хранев и тие беа сити; а кога се заситуваа, срцето им се возгордуваше, и поради тоа Мене Ме забораваа.

⁷И Јас ќе бидам како лав за нив, како леопард што им демне покрај патот.

⁸Ќе напаѓам врз нив како мечка, чии мечиња се грабнати: ќе им ги истргнувам срцата нивни и ќе ги изедам таму како лавица, полските ѕверови ќе ги раскинуваат.

⁹Ќе те уништам, Израеле, кој ќе ти помогне?

¹⁰Каде ти е сега царот за да те спаси? Каде се твоите кнезови да те бранат, оние за кои велеше: „Дај ни цар и началници!“

¹¹Јас ти дадов цар во гневот Свој и ти го одзедов во јароста Своја.

¹²Врзано е беззаконието на Ефрем, се чува гревот негов.

¹³Родилните маки го обзедоа, но тој е неразбран син, не излегува навреме од утробата.

¹⁴Од власта на пеколот ќе ги откупам, од смртта ќе ги избавам. Смрт — каде ти е силата? Каде ти е тебе, пеколу, победата? Сочувството е скриено од Моите очи.

¹⁵Иако е Ефрем плоден меѓу браќата, ќе дојде источен ветар, ќе се крене ветрот Господов од пустината, и ќе го пресуши изворот негов, и ќе го однесе богатството од сите сокровишта.