Read Свето Писмо: Стандардна Библија 2006 (со девтероканонски книги) Осија 6 Bible Online

Осија 6 - Свето Писмо: Стандардна Библија 2006 (со девтероканонски книги) bible

Осија 6

¹Ќе велат: „Ајде да се вратиме кај Господ, зашто Тој нѐ рани и Тој ќе нѐ исцели, нѐ удри — и ќе ни ги преврзе раните наши;

²ќе нѐ оживее за два дена, а во третиот ќе нѐ подигне, и ние ќе живееме пред лицето Негово.

³И така, сега да се стремиме да Го познаеме Господа; а Тој сигурно ќе дојде кај нас, како утрена зора, ќе ни дојде како дожд; како доцен и ран дожд ќе ја натопи земјата.“

⁴Што да правам со тебе, Ефреме? Што да правам со тебе, Јудо? Вашата љубов кон Мене е како утрена магла и како роса што брзо исчезнува.

⁵Затоа Јас ги судев преку пророците и ги биев со зборови од устата Своја. А тоа што го барам од вас е јасно како светлина.

⁶Јас повеќе сакам милост, отколку жртва, и познавање на Бога, а не жртва сепаленица.

⁷А тие, како Адам, го прекршија заветот, и таму Ме изневерија.

⁸Галаад е град на беззаконици, полн со траги од крв.

⁹Свештениците се здружени разбојници, тие убиваат по патот за Сихем, срамни работи вршат.

¹⁰Во домот Израелов гледам ужасни работи; таму Ефрем блудствува, Израел се осквернува.

¹¹И за тебе, Јудо, е определена казна кога ќе го повратам од ропство Мојот народ.