Read Свето Писмо: Стандардна Библија 2006 (со девтероканонски книги) Осија 8 Bible Online

Осија 8 - Свето Писмо: Стандардна Библија 2006 (со девтероканонски книги) bible

Осија 8

¹Стави ја трубата на уста! Непријателите како орли го напаѓаат Домот Господов, зашто тие го нарушија заветот Мој и го престапија законот Мој.

²Иако викаат кон Мене: „Боже мој, ние Те познаваме; ние сме Израел.“

³Израел го отфрли доброто; затоа непријател ќе го гони.

⁴Си поставуваа цареви свои, без Мене; си избираа кнезови, пак без Мене; од среброто свое и од златото свое направија идоли: тоа им е за погибел.

⁵Го мразам телето твое, Самаријо; се распали гневот Мој против нив; до кога ли не ќе можат да се исчистат оние што се во Израел?

⁶И него уметник го направил, тоа не е бог; затоа ќе биде скршено на парчиња телето твое, Самаријо!

⁷Бидејќи сееја ветар, бура ќе пожнеат; житото нема да им 'рти, нема да даде брашно; ако, пак, и даде, туѓинци ќе го изедат.

⁸Проголтан е Израел; меѓу народите сега е како скршен сад.

⁹Тие скитаат осамени како диви магариња; Ефрем со подароци ја купуваше благонаклоноста на другите.

¹⁰Па, иако праќаше дарови на народите, наскоро Јас ќе ги соберам, и тие ќе почнат да страдаат од царот и кнезовите;

¹¹иако Ефрем изгради многу жртвеници за грев — за грев и му послужија тие исти жртвеници.

¹²Му напишав важни закони, но тој ги сметаше за туѓи.

¹³Во жртвените приноси Мене Ми принесуваат месо и го јадат; на Господ тие не Му се угодни; сега Тој ќе се присети за нивното бесчестие и ќе ги казни за гревовите нивни; ќе ги врати во Египет.

¹⁴Израел го заборави Создателот свој, за себе си изгради дворци, а и Јуда изгради многу утврдени градови; но Јас ќе испратам оган врз градовите негови — и тој ќе му ги проголта дворците негови.