Read Свето Писмо: Стандардна Библија 2006 (со девтероканонски книги) Броеви 29 Bible Online

Броеви 29 - Свето Писмо: Стандардна Библија 2006 (со девтероканонски книги) bible

Броеви 29

¹„Во седмиот месец, во првиот ден од месецот, треба да има свето собрание; никаква работа не вршете; тоа да ви биде Ден на трубни знаци;

²и принесувајте сепаленица за благопријатен мирис на Господ: еден јунец, еден овен, седум едногодишни машки јагниња, без надостаток;

³а заедно со нив и лебен принос од пченично брашно, измешано со масло, три десетини од ефа за јунецот, две десетини од ефа за овенот,

⁴и една десетина од ефа за секое од седумте јагниња,

⁵и еден козел како жртва за грев, за да се ослободите од гревот.

⁶Тоа да го додавате кон новомесечните сепаленици и лебните приноси за нив, и преливите нивни, и секојдневните сепаленици со нивните приноси и преливи, според наредбите, како благопријатен мирис за Господ.

⁷И во десеттиот ден од тој седми месец треба да имате свето собрание: смирувајте ги душите свои и никаква работа не вршете;

⁸и принесувајте сепаленици за благопријатен мирис на Господ: еден јунец, еден овен, седум едногодишни машки јагниња; тие треба да бидат без недостаток;

⁹и заедно со нив и лебен принос од пченично брашно, помешано со масло три десетини од ефа за јунец, две десетини од ефа за овен,

¹⁰и по една десетина од ефа за секое од седумте јагниња,

¹¹како и еден козел — жртва за грев, освен жртвите за грев што се принесуваат во Денот на очистувањето, и освен постојаните сепаленици и лебните приноси со нив и преливите за нив.

¹²И во петнаесеттиот ден од седмиот месец треба да ви биде особено свет, никаква работа не вршете и празнувајте го тој празник Господов седум дена:

¹³и принесувајте сепаленица, жртва за благопријатен мирис на Господ: тринаесет јунци, два овна, и четиринаесет едногодишни машки јагниња; тие треба да бидат без недостаток;

¹⁴и кон нив лебен принос од пченично брашно, измешано со масло, три десетини од ефа за секое од тринаесетте јунци, две десетини од ефа за секој овен,

¹⁵и по една десетина од ефа за секое од четиринаесетте јагниња,

¹⁶и еден козел — жртва за грев, освен секојдневната сепаленица со нејзиниот лебен принос, како и преливот за неа.

¹⁷А на вториот ден принесувајте: дванаесет јунци, два овна и четиринаесет едногодишни машки јагниња, без недостаток,

¹⁸и со нив уште лебен принос и прелив за јунците, овните и јагнињата, според бројот нивни, според наредбите;

¹⁹исто така и еден козел — жртва за грев, покрај постојаната сепаленица со приносот и преливот за неа.

²⁰На третиот ден, пак, принесувајте: единаесет јунци, два овна, четиринаесет едногодишни машки јагниња, без недостаток,

²¹и со нив лебен принос и прелив за јунците, овните и јагнињата, според бројот нивни, според прописите;

²²исто така и еден козел — жртва за грев, покрај постојаната сепаленица со приносот и преливот за неа.

²³На четвртиот ден принесувајте: десет јунци, два овна, четиринаесет едногодишни машки јагниња, без недостаток,

²⁴со нив и лебен принос и прелив за јунците, овните и јагнињата, според бројот нивни, според наредбите,

²⁵и покрај тоа и еден козел — жртва за грев, освен постојаната сепаленица и приносот и преливот за неа.

²⁶И на петтиот ден принесувајте жртва: девет јунци, два овна, четиринаесет едногодишни машки јагниња, без недостаток,

²⁷и со нив принесете уште и лебен принос и прелив за јунците, овните и јагнињата, според бројот нивни, според наредбите,

²⁸и еден козел — жртва за грев, покрај постојаната сепаленица и приносот и преливот за неа.

²⁹На шестиот ден, пак, принесувајте: осум јунци, два овна, четиринаесет едногодишни машки јагниња, без недостаток,

³⁰а со нив и лебен принос и прелив за јунците, овните и јагнињата, според бројот нивни, според наредбите;

³¹а исто така и еден козел — жртва за грев, покрај постојаната сепаленица со приносот и преливот за неа.

³²Во седмиот ден принесувајте: седум јунци, два овна, четиринаесет едногодишни машки јагниња, без недостаток,

³³и со нив принос и прелив за јунците, овните и јагнињата, според бројот нивни, според наредбите,

³⁴а и еден козел како жртва за грев, освен постојаната сепаленица со приносот како и преливот за неа.

³⁵Во осмиот ден е крај на празникот: никаква работа не вршете;

³⁶и принесувајте сепаленица, жртва со пријатен мирис на Господ: еден јунец, еден овен, седум едногодишни машки јагниња без недостаток,

³⁷и заедно со нив лебен принос и прелив за јунецот, за овенот и за јагнињата, според бројот нивни според прописите;

³⁸освен тоа уште и еден козел — жртва за грев, покрај постојаната сепаленица, приносот и преливот за неа.

³⁹Принесувајте го тоа на Господ на вашите празници, покрај оние што ги принесувате поради завет или поради грижа и покрај сепалениците ваши, и лебните приноси и жртвите за мир.“