Read Свето Писмо: Стандардна Библија 2006 (со девтероканонски книги) Колосјаните 4 Bible Online

Колосјаните 4 - Свето Писмо: Стандардна Библија 2006 (со девтероканонски книги) bible

Колосјаните 4

¹Вие, господари, бидете справедливи спрема слугите свои и давајте им го она што е правично, зашто знаете дека и вие имате Господар на небесата!

²Бидете постојани во молитвата, бидете бодри во неа со благодарност!

³Молете се исто така и за нас, за да ни ја отвори Бог вратата на проповедта да ја разгласуваме Христовата тајна, поради која сум и во окови,

⁴та да ја откријам, како што треба да зборувам!

⁵Спрема надворешните однесувајте се благоразумно, ползувајќи го времето!

⁶Зборот ваш секогаш да биде благодатен, зачинет со сол, за да знаете како треба на секого да му одговарате!

⁷Што се однесува до мене, сѐ ќе ви соопшти Тихик, љубениот брат и верен служител и соработник во Господ,

⁸кого нарочно поради тоа го испратив кај вас за да разбере како сте и да ви ги утеши срцата ваши,

⁹заедно со Онисим, верниот и омилен наш брат, кој е од вас; тие ќе ви раскажат сѐ што станува овде.

¹⁰Ве поздравува Аристарх, кој е затворен со мене, и Марко, внукот на Варнава — за кого добивте заповед: ако дојде кај вас, примете го.

¹¹Исто така и Исус, наречен Јуст; тие се од обрезаните и единствени сотрудници за царството Божјо, кои ми беа утеха.

¹²Ве поздравува од вашите Епафрас, служител на Исус Христос, кој секогаш во молитвите свои се грижи, да бидете совршени и исполнети со секаква волја Божја.

¹³Сведочам за него дека тој има голема ревност и грижа за вас и за оние што се во Лаодикија и Јерапол.

¹⁴Ве поздравува Лука, возљубениот лекар, и Димас.

¹⁵Поздравете ги браќата во Лаодикија, и Нимфана, и неговата домашна црква!

¹⁶Откако ова послание ќе биде прочитано кај вас, потрудете се да биде прочитано и во лаодикиската црква, а она од Лаодикија да го прочитате и вие.

¹⁷Кажете му на Архип: „Гледај ја службата, што си ја примил во Господ да ја извршуваш!“

¹⁸Своерачен поздрав од мене, Павле. Помнете ги оковите, мои! Благодат меѓу сите вас. Амин!