Read Свето Писмо: Стандардна Библија 2006 (со девтероканонски книги) Исус Навин 15 Bible Online

Исус Навин 15 - Свето Писмо: Стандардна Библија 2006 (со девтероканонски книги) bible

Исус Навин 15

¹Племето на Јудините синови, според родовите нивни, го доби пределот кон границата со Едом и пустината Син и уште на југ во насока кон Теман.

²Нивната јужна граница допира до крајниот јужен дел на Мртвото Море;

³на југ таа се протега кон ридот Акравим, поминува низ пустината Син, влегува од југ кон Кадис-Барнеа, излегува на Есром и се протега до Адар, па потоа свртува кон Карка,

⁴излегувајќи на Ацмон, оди кон Египетскиот Поток, така што крајот на таа граница е морето. Тоа е нивната јужна граница.

⁵Граница на исток беше Соленото Море до устието на Јордан; а границата на север почнува од Соленото Море од крајот на Јордан;

⁶оттука границата оди кон Бет-Хогла, минува на север кон Бет-Арава и оди угоре до Каменот на Бохан, Рувимовиот син;

⁷потоа границата оди кон Давир и поминувајќи низ долината Ахор, свртува на север кон Гилгал, кој се наоѓа наспроти ридот Адумим на југ од потокот; потоа границата преминува кон изворот Ен-Шемеш и завршува кај Ен-Рогел;

⁸оттука границата оди угоре кон долината Бен-Хином, на југ од Јевус, односно Ерусалим, а потоа продолжува по врвот на гората, што е на запад од долината Бен-Хином, кон морето, до крајот на Рефаимската Долина, на север;

⁹од врвот на гората границата свртува кон изворот на водите Нефтоах и оди покрај градовите кај гората Ефрон; потоа границата свртува кон Ваала, а тоа е Кирјат-Јарим;

¹⁰потоа границата свртува од Ваала кон морето и оди кон планината Сеир, и излегува на падините северно од Јеарим, односно Кесалон, слегува кон Ветсамис и доаѓа до Тимна;

¹¹оттука границата оди на север позади Екрон; свртува кон Шикерон, минува преку гората Ваала и стигнува до Јавнел; и границата завршува кај морето. Западна граница е Големото Море.

¹²Тоа се границите на областите на Јудините синови според нивните родови.

¹³А на Јефунеовиот син Халев, Исус му даде еден дел меѓу Јудините синови, како што му беше заповедал Господ на Исус; а и градот Кирјат-Арба (Арба му беше татко на Анак) т.е. градот Хеврон.

¹⁴Халев ги истера оттаму трите синови на Анак: Шешај, Ахиман и Талмај.

¹⁵Оттаму тој тргна против Давирчаните; порано Давир се нарекуваше Кирјат-Сефер.

¹⁶И рече Халев: „Кој ќе го нападне Кирјат-Сефер и ќе го покори, ќе му ја дадам ќерката моја Ахса за жена.“

¹⁷И го презеде Готониил, син на Кеназ, братот на Халев, и тој му ја даде ќерка си Ахса за жена.

¹⁸Кога требаше таа да замине, ја посоветуваа да побара од таткото свој земја, и таа слезе од магарето. Халев ја запраша: „Што сакаш?“

¹⁹Таа одговори: „Благослови ме; бидејќи ми даде јужна земја, која е сува, дај ми и извори.“ И тој ѝ ги даде горните и долните извори.

²⁰Ете тоа е наследството на племето на Јудините синови, според родовите нивни.

²¹А ова се пограничните градови на Јудините синови, долж границата со Едом, на југ: Кавцеел, Едер и Јагур,

²²Кина, Димона, Адада,

²³Кедес, Асор и Јитнан,

²⁴Зиф, Телем и Беалот,

²⁵Асор-Хадата и Кериот-Есром, нарекуван и Асор,

²⁶Амам, Шема и Молада,

²⁷Хацар-Гада, Хешмон и Бет-Пелет,

²⁸Хацар-Шуал, Вирсавија и околните места.

²⁹Ваала, Ијим и Ецем,

³⁰Елтолад, Кесил и Хорма,

³¹Циклаг, Мадмана и Сансана,

³²Леваот, Шилхим, Ен-Римон; сите градови се дваесет и девет со селата нивни.

³³Во рамнината: Ештаол, Цора, Ашна

³⁴Заноах, Ен-Ганим, Тапуах и Енам,

³⁵Јармут, Адулам, Сохо и Азека,

³⁶Шаараим, Адитаим, Гедера со Гедеротаим; четиринаесет градови со селата нивни.

³⁷Ценан, Хадаша, Мигдал-Гад,

³⁸Дилан, Мицпа, Јоктел,

³⁹Лакиш, Боцкат и Еглон,

⁴⁰Кабон, Лахмас и Китлиш,

⁴¹Гедерот, Бет-Дагон, Ноема и Македа; шеснаесет градови со селата нивни.

⁴²Ливна, Етер и Ашан,

⁴³Ефтај, Ашна и Нецив,

⁴⁴Кеила, Ахзив и Мареша: девет градови со селата нивни.

⁴⁵Екрон и селата негови, и предградијата негови,

⁴⁶и од Екрон, кон запад и сѐ што е до Ашдод, со селата нивни.

⁴⁷Ашдод, селата негови и предградијата негови, Газа, со селата нејзини и предградијата нејзини, до самиот Египетски Поток и до Големото Море, кое е граница;

⁴⁸и на планините: Шамир, Јатир и Сохо,

⁴⁹и Дана и Кирјат-Сана, нарекуван и Давир,

⁵⁰Анав, Ештемоа и Аним,

⁵¹Гесем, Холон и Гило, единаесет градови со селата нивни.

⁵²Арав, Дума и Ешан,

⁵³Јанум, Бет-Тапуах и Афека,

⁵⁴Хумта и Кирјат-Арба, а тоа е Хеврон, и Циор — градови девет и селата нивни.

⁵⁵Маон, Кармил, Зиф и Јута,

⁵⁶Јизреел, Јоркеам и Заноах,

⁵⁷Каин, Гива и Тимна — градови десет со селата нивни.

⁵⁸Халхул, Бет-Цур и Гедор,

⁵⁹Марат, Бет-Анот и Елтекон — шест градови со селата нивни;

⁶⁰Кирјат-Ваал, нарекуван и Кирјат-Јарим, и Рава: два града со селата и предградијата нивни;

⁶¹во пустината: Бет-Арава, Мидин и Сехаха,

⁶²Нившан, Ир-Мелах и Ен-Геди — шест градови и селата нивни.

⁶³Но Јудините синови не можеа да ги избркаат Јевусијците, жителите на Ерусалим, и затоа Јевусијците живеат со синовите на Јуда во Ерусалим до денес.