Read Свето Писмо: Стандардна Библија 2006 (со девтероканонски книги) Исус Навин 19 Bible Online

Исус Навин 19 - Свето Писмо: Стандардна Библија 2006 (со девтероканонски книги) bible

Исус Навин 19

¹Втората ждрепка падна за Симеон, за племето на Симеоновите синови, според родовите нивни; и наследството нивно беше меѓу делот на Јудините синови.

²Во делот нивни беа: Вирсавија, Сева и Молада,

³Хацар-Шуал, Бала и Ецем,

⁴Елтолад, Бетул и Хорма,

⁵Циклаг, Бет-Маркавот и Хацар-Суса,

⁶Бет-Леваот и Шарухен: тринаесет градови со селата нивни;

⁷Ен-Римон, Етер и Ашан: четири града со селата нивни,

⁸и сите предградија околу тие градови дури до Ваалат-Беер и Рамат-Негев. Тоа е делот на племето на Симеоновите синови, според родовите нивни.

⁹Од делот на Јудините синови се оддели наследство за племето на Симеоновите синови; бидејќи делот на Јудините синови беше многу голем за нив, затоа Симеоновите синови добија наследство меѓу нивниот дел.

¹⁰Третиот дел им се падна на Завулоновите синови, според родовите нивни и границата на нивниот дел се простираше до Сарид;

¹¹границата нивна излегува кон морето и Марала и допира до Дабешет и потокот, што е пред Јокнеам;

¹²од Сарид оди назад кон исток, каде што изгрева сонцето до границата на Кислот-Тавор; оттука продолжува кон Даверат и излегува кај Јафија;

¹³оттаму минува на исток кон Гат-Хефер и Ет-Кацин, и оди кон Римон, свртувајќи кон Неа;

¹⁴од север границата свртува кон Ханатон и завршува во долината на Јифта-Ел;

¹⁵понатаму таа ги опфаќа: Катат, Нахалал, Шимрон, Јидала и Витлеем: дванаесет градови со селата нивни.

¹⁶Тоа е наследството на Завулоновите синови, според родовите нивни — градовите и селата нивни.

¹⁷Четвртата ждрепка падна на Исахар, за Исахаровите синови, според родовите нивни;

¹⁸нивната граница беше: Јизреел, Кесулот и Сунем,

¹⁹Хафараим, Шион, Анахарат,

²⁰Рабит, Кишјон и Евец,

²¹Ремет, Ен-Ганим, Ен-Хада и Бет-Пацец;

²²границата допира до Тавор, Шахацима и Ветсамис и завршува кај Јордан: шеснаесет градови со селата нивни.

²³Тоа е наследството на племето на Исахаровите синови, според родовите нивни — градовите и селата нивни.

²⁴Петтата ждрепка падна за племето на Асировите синови, според родовите нивни;

²⁵нивна граница беа: Хелкат, Хали, Бетен и Ахшаф,

²⁶Аламелех, Амад и Мишал; границата се ближи до Кармил откај запад и до Шихор-Ливнат.

²⁷Потоа оди назад на исток кон Бет-Дагон, допира до територијата на Завулон и до долината Јифта-Ел, потоа оди на север кон Бет-Емек и Неиел и продолжува кон Кавул,

²⁸Авдон, Рехов, Хамон и Кана, сѐ до големиот Сидон;

²⁹потоа границата се враќа кон пределот на Рама до утврдениот град Тир, свртува кон пределот Хоса и завршува кај морето, во гратчето Ахзив;

³⁰понатаму ги опфаќа: Ако, Афек и Рехов: дваесет и два града со селата нивни.

³¹Тоа е делот на племето на Асировите синови, според родовите нивни — градовите со селата нивни.

³²Шестата ждрепка се фрли за Нефталим, за синовите Нефталимови, според родовите нивни.

³³Границата нивна оди од Хелеф од дабовата гора во Цаананим кон Адами-Некев и Јавнел, дури до Лакум и завршува кај Јордан;

³⁴оттука границата свртува на запад кон Азнот-Тавор и оттаму оди кон Хукок, и допира до Завулон од југ, допира и до Асир, од запад, и до Јуда кај Јордан, откај источната страна.

³⁵Утврдени градови беа: Цидим, Цер, Хамат, Ракат и Кинерет,

³⁶Адама, Рама и Асор,

³⁷Кедес, Едреи и Ен-Асор,

³⁸Јирон, Мигдал-Ел, Хорем, Бет-Анат и Ветсамис: деветнаесет градови со селата нивни.

³⁹Тоа е наследството на племето на Нефталимовите синови, според родовите нивни — градовите и селата нивни.

⁴⁰За племето на Дановите синови, според родовите нивни, се фрли седмата ждрепка.

⁴¹Границите на нивниот дел беа: Цора, Ештаол и Ир-Шемеш

⁴²и градовите: Шаалабин, Ајалон и Јитла,

⁴³Елон, Тимната, Екрон,

⁴⁴Елтеке, Гибетон и Ваалат,

⁴⁵Јехуд, Бене-Берак и Гат-Римон,

⁴⁶Ме-Јаркон и Ракон, со областа околу Јафа.

⁴⁷Но делот на Дановите синови беше мал за нив и тие кренаа војска против Лешем, го презедоа и сите ги убија со сечилото на мечот, го завладеаја градот и се населија во него, и Лешем го нарекоа Дан, според името на предокот свој Дан.

⁴⁸Тоа е наследството на племето на Дановите синови, според родовите нивни — градовите и селата нивни.

⁴⁹Откако заврши делбата на земјата, според границите нејзини, синовите Израелови му дадоа меѓу нив наследство и на Исус, синот Навинов:

⁵⁰по заповед на Господ му го дадоа градот што го побара: Тимнат-Серах, на Ефремовата Гора; и тој го обнови градот и се всели во него.

⁵¹Тоа се наследствата што свештеникот Елеазар, Исус, синот Навинов, и родоначалниците на племињата им ги разделија на синовите Израелови, со ждрепка, во Силом, пред Господ, пред влезот во скинијата на собранието. И завршија со поделбата на земјата.