Read Свето Писмо: Стандардна Библија 2006 (со девтероканонски книги) 1 Петар 5 Bible Online

1 Петар 5 - Свето Писмо: Стандардна Библија 2006 (со девтероканонски книги) bible

1 Петар 5

¹Оние, кои се меѓу вас свештеници, ги молам јас, кој и самиот сум свештеник, и сведок на Христовите страдања и соучесник во славата, што ќе се открие:

²пасете го Божјото стадо, што го имате, надгледувајќи го не присилно, туку драговолно и според Бога; не заради срамна печалба, туку од сѐ срце.

³И не како да управувате со народот, туку давајќи му пример на стадото.

⁴А кога ќе се јави Пастироначалникот, ќе добиете венец на слава што никогаш не свенува.

⁵Исто така и вие, помладите, покорувајте им се на старешините; а сите, пак, покорувајте се еден на друг и здобијте се со понизност, бидејќи „Бог им се противи на горделивите, а на понизните им дава благодат.“

⁶Понизете се под крепката рака Божја, за да ве воздигне кога ќе дојде времето.

⁷Сите ваши загрижености префрлете ги врз Него, зашто Тој се грижи за вас.

⁸Бидете трезвени, бидете будни, зашто вашиот противник, ѓаволот, обиколува како лав што рика и бара некого да проголта;

⁹спротивете му се со тврда вера, знаејќи дека такви страдања ги снаоѓаат и вашите браќа по светот.

¹⁰А Бог на секоја благодат, Кој ве повика за Својата вечна слава во Исус Христос, Сам, по вашето кратко страдање, да ве усоврши, укрепи и направи непоколебливи.

¹¹Нему слава и власт во веки веков. Амин!

¹²По Силван, нашиот верен брат, како што мислам, ви го напишав ова кратко послание, за да ве утешам и уверам дека ова е вистинската Божја благодат. Останете цврсто во неа!

¹³Ве поздравува црквата во Вавилон, избрана заедно со вас, и Марко, синот мој.

¹⁴Поздравете се еден со друг со целив на љубов. Мир на сите вас, што сте во Христос. Амин!