Read Свето Писмо: Стандардна Библија 2006 (со девтероканонски книги) 2 Јован 1 Bible Online

2 Јован 1 - Свето Писмо: Стандардна Библија 2006 (со девтероканонски книги) bible

2 Јован 1

¹Од свештеникот — до избраната госпоѓа и нејзините чеда, кои ги љубам во вистината, — и не само јас, туку и сите што ја познаа вистината;

²поради вистината, која пребива во нас и ќе биде со нас до века.

³Да биде со нас благодатта, милосрдието, мирот од Бог Отецот и од Господ Исус Христос, Синот на Отецот во вистина и љубов!

⁴Многу се зарадував, зашто најдов некои од твоите чеда во вистина, онака како што добивме заповед од Отецот.

⁵И сега те молам, госпоѓо, не како да ти пишувам нова заповед, но онаа што ја имаме од почетокот, да се љубиме едни со други.

⁶А љубовта се состои во тоа, да постапуваме по Неговите заповеди. Тоа е заповедта, што ја чувте во почетокот, за да постапувате според неа;

⁷бидејќи во светот влегоа мнозина измамници, кои не исповедаат дека Исус Христос дошол во тело; таков човек е измамник, Антихрист.

⁸Пазете се за да не го изгубите она за кое сте се труделе, туку да добиете полна награда.

⁹Секој, кој оди предалеку и не останува во Христовото учење, Го нема Бога; кој останува во Христовото учење, тој Го има и Отецот и Синот.

¹⁰Кој доаѓа кај вас и не го носи тоа учење, него не го примајте во вашиот дом и не поздравувајте го;

¹¹зашто, кој го поздравува, учествува во неговите лоши дела.

¹²Вистина, имав многу да ви пишувам, но не сакав на книга и со мастило, зашто се надевам дека ќе дојдам кај вас и од устата да ви зборувам, та радоста ваша да ви биде полна.

¹³Ве поздравуваат чедата на избраната твоја сестра. Амин!