Read Свето Писмо: Стандардна Библија 2006 (со девтероканонски книги) 2 Ездра 5 Bible Online

2 Ездра 5 - Свето Писмо: Стандардна Библија 2006 (со девтероканонски книги) bible

2 Ездра 5

¹Потоа беа избрани, за да тргнат, родоначалниците според родовите на племињата нивни, и жените нивни, и потомците нивни, и ќерките нивни, и слугите нивни, и слугинките нивни со добитокот нивни.

²Дариј испрати со нив илјада коњаници, за да ги одведат со мир во Ерусалим, со свирки, со тимпани и труби.

³И сите нивни браќа се радуваа, и царот им дозволи да одат заедно.

⁴Еве ги имињата на мажите, што отидоа, според родовите нивни во колената по нивното старешинство:

⁵свештениците, потомци на Финес, потомци Аронови; Јешуа, синот на Јоседек, син на Сераја, и Јоаким, син на Зоровавел, Салатиилов син, од Давидовиот дом, од родот на Фарес, а од Јудиното колено,

⁶оној што ги кажа пред персискиот цар Дариј мудрите зборови во втората година од царувањето негово, во месецот нисан, првиот месец.

⁷Ова се Јудејците, кои се вратија од преселничкото пленство, што ги пресели во Вавилон Навуходоносор, вавилонскиот цар,

⁸и кои се вратија во Ерусалим и во другите места на Јудеја, секој во својот град. Тие дојдоа со Зоровавел и со Јешуа, Неемија, Зареј, Ресеј, Ененеј, Мардохеј, Веелсар, Асфарас, Реелија, Раум, Ваана — нивни началници.

⁹Бројот на народот со началниците негови: потомци на Парош — две илјади сто седумдесет и двајца; потомци на Сафатија — четиристотини седумдесет и двајца;

¹⁰потомци на Ара — седумстотини педесет и шест;

¹¹потомците на Пат-Моав, заедно со Јешуините и Јоавовите потомци — две илјади осумстотини и дванаесет;

¹²потомците на Елам — илјада двесте педесет и четири; потомците на Зату — деветстотини седумдесет и пет; потомците на Хорве — седумстотини и пет; потомците на Вани — шестотини четириесет и осум;

¹³потомците на Бевај — шестотини триесет и три; потомците на Азгад — илјада триста дваесет и двајца;

¹⁴потомците на Адоникам — шестотини триесет и седум; потомците на Бигвај — две илјади шестотини и шест; потомците на Адин — четиристотини педесет и четири;

¹⁵потомците на Агер, односно Езекиј — деведесет и двајца; потомците на Килан и Азета — шеесет и седум; потомците на Азару — четиристотини триесет и двајца;

¹⁶потомците на Анија — сто и еден; потомците на Аром — триесет и двајца; потомците на Безај — триста дваесет и тројца; потомците на Ариф — сто и двајца;

¹⁷потомците на Ваитеру — три илјади и пет; потомците на Ветломон — сто дваесет и тројца;

¹⁸од Нетофа — педесет и пет; од Анатот — сто педесет и осум; од Ветасмот — четириесет и двајца;

¹⁹од Киријатрим — дваесет и пет; од Кефира и Вирот — седумстотини четириесет и тројца; од Пир — седумстотини;

²⁰Хадијасејци и Амидијци — четиристотини дваесет и двајца; од Кирама и Гева — шестотини дваесет и еден;

²¹од Макалон — сто дваесет и двајца; од Ветолија — педесет и двајца; потомци на Нифиш — сто педесет и шест;

²²потомците на Каламо и Оно — седумстотини дваесет и пет; потомците на Јерех — двесте четириесет и пет;

²³потомците на Сенаа — три илјади триста и еден.

²⁴Свештеници, потомци на Једаја, синот на Јешуа, заедно со потомците на Анасив — деветстотини седумдесет и двајца; потомците на Имер — илјада педесет и двајца;

²⁵потомците на Пашур — илјада четириесет и седум; потомците на Харим — илјада и седумнаесет.

²⁶Левити, потомци на Јешуа, Кадмиил, Вана и на Суда — седумдесет и четири.

²⁷Свештенопевци, потомци на Асаф — сто и четириесет.

²⁸Чувари вратари, потомци на Селум, потомци на Атер, потомци на Толман, потомци на Акув, потомци на Хатита, потомци на Шовај сѐ на сѐ сто триесет и девет.

²⁹Служители на храмот, потомци на Исав, потомци на Хасуфа, потомци на Таваот, потомци на Кира, потомци на Суа, потомци на Падон, потомци на Лавана, потомци на Ангава,

³⁰потомци на Акув, потомци на Утај, потомци на Китав, потомци на Агав, потомци на Субај, потомци на Анан, потомци на Катуа, потомци на Гедур,

³²потомци на Мехида, потомци на Кута, потомци на Хареа, потомци на Варнос, потомци на Серар, потомци на Темах, потомци на Незија, потомци на Хатип,

³³потомци на слугите Соломонови, потомци на Асафиот, потомци на Перуда, потомци на Јаала, потомци на Лозон, потомци на Издаил, потомци на Сафатија,

³⁴потомци на Агија, потомци на Похерет-Хацеваим, потомци на Саротија, потомци на Масија, потомци на Гас, потомци на Адус, потомци на Суба, потомци на Афера, потомци на Варотис, потомци на Шафат, потомци на Алон;

³⁵сите свештенослужители на храмот и потомците на Соломоновите слуги — триста седумдесет и двајца.

³⁶А ова се тие што дојдоа од Тел-Мелах и Телерс под водство на Херув, Адан и Имер, —

³⁷иако не може да се докаже од потомците на Дала, синот на Товија, и потомците на Некода — шестотини и педесет и двајца.

³⁸Имаше и свештеници, што вршеа свештена служба, но во списокот не можеше да се најдат: Потомците на Овија, потомците на Хакоц, потомците на Јаду, кој беше женет за Агија, ќерка на Варзилај, та се нарекуваше со негово име.

³⁹А бидејќи родословната книга нивна, кога се побара, не се најде во описот, тие беа исклучени од свештенството.

⁴⁰Тогаш им рече Неемија и Атарија, да не учествуваат во светињите, додека не се издигне свештеник, облечен со урим и тумим.

⁴¹И сите Израилци од дванаесет години и нагоре, без слугите и слугинките, беа четириесет и две илјади триста и шеесет; нивни слуги и слугинки — седум илјади триста четириесет и седум; певци и псалмопевци — двесте четириесет и пет.

⁴²Камили — четиристотини четириесет и пет, коњи — седум илјади триесет и шест, маски — двесте четириесет и пет, работен добиток — пет илјади петстотини дваесет и пет.

⁴³Некои од родоначалниците, кога дојдоа пред Божјиот храм во Ерусалим, дадоа завет дека ќе подигнат дом на местото негово според своите сили

⁴⁴и дека ќе внесат во храмовата ризница за градбата илјада мини злато, пет илјади мини сребро и сто свештенички одежди.

⁴⁵И се населија свештениците и левитите и некои од народот во Ерусалим и областите негови, а свештенопевците и чуварите на храмовите порти и сиот Израил — по своите села.

⁴⁶А кога настана седмиот месец, и синовите Израилеви веќе беа сите по имотите свои, се собраа еднодушно сите на плоштадот пред првата порта на исток.

⁴⁷Тогаш стана Јешуа, синот на Јоседек, и неговите браќа по свештенство, и Зоровавел, синот на Салатиил, и браќата негови, и изградија жртвеник на Бога Израилев,

⁴⁸за да принесуваат на него сепаленици, како што е заповедано во книгата на Мојсеј, Божјиот човек.

⁴⁹Ним им се придружија и од другите народи, што ги имаше во онаа земја, и изградија жртвеник на свое место, зашто беа во непријателство со нив, и ги надвладуваа сите народи, што ги имаше во таа земја. Тие своевремено принесуваа жртви и сепаленици на Господ, наутро и навечер.

⁵⁰И го празнуваа празникот Сеници како што заповеда законот, принесувајќи посебни жртви секој ден, како што требаше,

⁵¹и потоа, — вообичаени приноси и жртви во саботите, и на млада месечина и на сите свети празници.

⁵²И сите, што Му беа дале на Бога завет од новомесечието на седмиот месец почнаа да Му принесуваат на Бога жртви, макар што храмот уште не беше дограден.

⁵³И им даваа пари на каменоресците и дрводелците, и пиење и храна, и коли на Сидонците и Тирчаните, за да превезуваат од Ливан кедрово дрво, што го поставуваа на салови во пристаништето Јопа, според заповедта, што ним писмено им ја даде персискиот цар Кир.

⁵⁴А на втората година, во вториот месец, по нивното пристигање кај Божјиот храм во Ерусалим, Зоровавел, синот на Салатиил, и Јешуа, синот на Јоседек, и браќата нивни, и свештеници и левити и сите, што беа дошле од пленство во Ерусалим,

⁵⁵ја поставија основата на Божјиот храм во новомесечието на вториот месец, во втората година по пристигнувањето нивно во Јудеја и Ерусалим,

⁵⁶и поставија дваесетгодишни левити за службите Господови. И стана Јешуа, синовите негови и браќата негови, и братот Кадмиил, и синовите на Јешуа Емадабун, и синовите на Јода, синот на Илијадун, со синовите и браќата, — сите левити, еднодушно да ја поттикнуваат работата околу градењето на Господовиот дом. И градителите го изградија храмот на Господ.

⁵⁷Тогаш застанаа свештениците облечени во свештени одежди со свирки и со труби, и левитите, синови Асафови, со кимвали, благословувајќи Го Господа и прославувајќи Го според уредбата на Давид, царот израилски,

⁵⁸и пееја химни, благодарејќи Му на Господ, зашто Неговата благост и слава се вечни над сиот Израил.

⁵⁹И сиот народ трубеше и викаше со силен глас, фалејќи Го Господа, зашто домот Господов се обновил.

⁶⁰А постарите свештеници, левитите и родоначалниците што го беа виделе поранешниот храм, дојдоа сега при градењето со плачење и голем восклик,

⁶¹мнозина пак со труби и со силни радосни извици,

⁶²така што народот не ги слушаше трубите поради викањето на луѓето, зашто толпата ги надгласуваше трубите, па се слушаше надалеку.

⁶³Слушнаа непријателите на Јудиното и Венијаминовото племе и дојдоа да дознаат, што значи тој трубен звук.

⁶⁴И дознаа дека вратените од пленство Му градат храм на Господ, Бог Израилев.

⁶⁵И дојдоа кај Зоровавел, кај Јешуа и кај родоначалниците и им рекоа: „Ќе градиме и ние со вас;

⁶⁶зашто и ние како вас Го слушаме вашиот Господ и Му принесуваме жртви од дните на асирскиот цар Есархадон, кој нѐ пресели овде.“

⁶⁷Тогаш Зоровавел, Јешуа и началниците на Израилевите племиња им рекоа: „Со вас нема да Го градиме домот на Господ, нашиот Бог;

⁶⁸ние сами ќе Му го градиме на Господ, Бог Израилев, според она како што ни заповеда Кир, царот персиски.“

⁶⁹Тогаш народите на таа земја, силно ги притиснаа оние што живееја во Јудеја, прекинувајќи го дотурот на граѓа, им пречеа на градењето,

⁷⁰и со разни сплетки, заведувајќи го народот, поттикнуваа на бунтови, попречуваа да се доврши градбата за сето време, додека беше жив царот Кир,

⁷¹и ја запреа градбата за две години, додека стана цар Дариј.