Read Свето Писмо: Стандардна Библија 2006 (со девтероканонски книги) Псалми 146 Bible Online

Псалми 146 - Свето Писмо: Стандардна Библија 2006 (со девтероканонски книги) bible

Псалми 146

¹Фалете Го Господа, зашто е добро да Му се пее на нашиот Бог, зашто на Добриот Му прилега похвала.

²Господ го гради Ерусалим и ќе ги собере расеаните синови на Израил.

³Тој ги исцелува скршените по срце и ги преврзува раните нивни.

⁴Го определува бројот на ѕвездите и на сите им дава име.

⁵Велик е Господ наш и голема е силата Негова, а разумот Негов — неизмерлив е.

⁶Господ ги подига понижените, а грешниците ги понижува до земја.

⁷Пејте Му секогаш славословија на Господ: на лира пејте Му на Нашиот Бог,

⁸Кој го покрива небото со облаци, подготвува дожд за земјата, прави да расте трева по горите и растенијата за полза на човекот,

⁹на добитокот му ја дава храната негова и на малите врани кога гракаат.

¹⁰На коњската сила не гледа Тој, ниту Му е мила брзината на човечките нозе.

¹¹Господ ги почитува оние, кои се бојат од Него и кои се надеваат во Неговата милост.