Read Свето Писмо: Стандардна Библија 2006 (со девтероканонски книги) Псалми 56 Bible Online

Псалми 56 - Свето Писмо: Стандардна Библија 2006 (со девтероканонски книги) bible

Псалми 56

¹Смилувај се, Боже, на мене. Смилувај се, зашто во Тебе се надева душата моја, и во сенката на крилјата Твои ќе се засолнам додека не минат опасностите.

²Викам кон Бога Севишниот, кон Бога, Кој ми прави добро.

³Тој ќе прати од небото и ќе ме спаси; ќе ги посрами оние, кои ме газат. Ќе ја испрати Бог Својата милост и Својата верност.

⁴Лежам среде лавови кои растргаат синови човечки; та нивните заби се копја и стрели, а јазикот им е остар меч.

⁵Возвиши се на небесата, Боже, и по целата земја нека биде Твојата слава!

⁶Тие подготвија стапица за нозете мои; и ја приклештија душата моја: ископаа пред мене јама, но сами паднаа во неа.

⁷Подготвено е срцето мое, Боже, спремно е срцето мое, ќе пеам и ќе свирам.

⁸Разбуди се, душо моја, разбудете се харфо и лиро! Јас ќе ја разбудам и зората.

⁹Ќе Те славам, Господи, меѓу народите, ќе Те воспеам меѓу племињата,

¹⁰зашто Твојата милост се возвеличи до небесата, и Твојата верност се протега сѐ до облаците.

¹¹Возвиши се, Боже, над небесата и по целата земја нека биде Твојата слава!