Read Свето Писмо: Стандардна Библија 2006 (со девтероканонски книги) Псалми 57 Bible Online

Псалми 57 - Свето Писмо: Стандардна Библија 2006 (со девтероканонски книги) bible

Псалми 57

¹Дали навистина кажувате правда? Судите ли праведно, вие, човечки синови?

²Во срцето свое кроите беззаконие, вашите раце плетат насилство на Земјата.

³Се отуѓија грешниците од мајчиното крило, се заблудеа од утробата мајчина, говорејќи лага.

⁴Јароста им е како змиски отров, како отровот на глувата аспида, која ги затнува ушите свои,

⁵и не го слуша гласот на бајачот, вражачот вешт во вражањето.

⁶Бог нека им ги скрши нивните заби во устите нивни; разбиј ги, Господи, челустите лавовски!

⁷Нека се разлијат како вода што истекува; како изгазена трева нека се исушат!

⁸Како полжав што се топи да се растопат, како пометнат плод, сонце да не видат никогаш!

⁹Пред котлите ваши да осетат топлина од запаленото трње, сурово или суво, виор нека ги однесе!

¹⁰Ќе се зарадува праведниот, кога ќе ја види одмаздата над безбожниците; ќе ги мие нозете свои во крвта на грешникот.

¹¹И ќе рече човекот: навистина има награда за праведниот! Навистина има Бог, Кој суди на Земјата!