Read Свето Писмо: Стандардна Библија 2006 (со девтероканонски книги) Сирахова 10 Bible Online

Сирахова 10 - Свето Писмо: Стандардна Библија 2006 (со девтероканонски книги) bible

Сирахова 10

¹Мудриот владетел народот свој строго го воспитува; владеењето на разумниот добро е уредено.

²Каков е народниот владетел, такви се и неговите помошници, а какви се градските управници — такви се и жителите на градот.

³Неразумниот цар народот свој го упропастува; градот се издигнува со мудроста на своите старешини.

⁴Власта над земјата е во раката на Господа; Тој потребниот човек навреме над неа го издигнува.

⁵Напредокот на човекот е во раката на Господа; врз закониците Бог ја покажува славата Своја. Горделивост и насилство

⁶За секаква навреда не гневи се на ближниот свој, и не прави никаква неправда.

⁷Горделивоста е одвратна и за Бога и за луѓето; неправдата е омразна и за Него и за нив.

⁸Власта преминува од еден народ на друг поради неправди, навреди и користољубивост.

⁹Зошто се гордеат правот и пепелта —

¹⁰кога уште додека се живи утробата им е нечиста?

¹¹Долгата болест го вознемирува лекарот;

¹²оној што денес е цар, утре ќе умре.

¹³Човекот кога умира станува плен на влекачите, ѕверовите и црвите.

¹⁴Почетокот на гордоста е оддалечувањето од Господа, кога срцето на човекот ќе отстапи од Создателот негов;

¹⁵горделивоста е почеток и на гревот; кој ќе ѝ се предаде, ќе изблуе одвратност.

¹⁶Затоа Господ го казнува со страшни казни и наполно го уништува.

¹⁷Господ урива престоли на силни; на нивното место кротки издигнува.

¹⁸Ги откорнал Господ горделивите, на нивно место ги насадил понизните.

¹⁹Господ ги опустошува земјите на незнабошците и ги разурнува до темел.

²⁰Некои од нив ги раселил и уништил, со тоа го избришал споменот за нив.

²¹Горделивоста за луѓето не е создадена, ниту гневот бесен — за породот на жената.

²²Кој род е достоен за чест? Човечкиот. Кој род е достоен за чест? Оној, што страхопочит кон Господа има.

²³Кој род презир заслужува? Човечкиот. Кој род презир заслужува? — Оној што законот го погазува.

²⁴Чест има најстариот меѓу браќата; така и оној што има страхопочит кон Господа — пред Божјите очи чест има.

²⁵На богатиот, благородниот и сиромавиот — пофалба нека им е страхопочитта кон Господа.

²⁶Разумен сиромав не треба да се презира — а грешник не треба да се прославува.

²⁷Властелинот, судијата и владетелот достојни се за чест; но поголем нема од оној што има страв од Господа.

²⁸На мудриот роб слободни ќе му служат; разумниот, поучуван од него, нема да негодува. Заслужена почит

²⁹Кога работиш, не мудрувај многу, а кога си во неволја — не фали се.

³⁰Подобар е оној којшто работи и живее во изобилство, од оној којшто не работи и се фали, а има потреба од леб.

³¹Синко, со кротост прославувај ја душата своја и почитувај ја според нејзиното достоинство.

³²Кој ќе го оправда оној што греши против својата душа? Кој ќе го пофали оној што самиот се осрамотува?

³³Сиромавиот го почитуваат поради неговата разумност, а богатиот — поради богатството негово.

³⁴А почитуваниот во сиромаштија, колку ли повеќе ќе биде почитуван кога ќе биде богат? И неславниот во богатство, колку ли понеславен ќе биде во сиромаштијата!