Read Свето Писмо: Стандардна Библија 2006 (со девтероканонски книги) Сирахова 17 Bible Online

Сирахова 17 - Свето Писмо: Стандардна Библија 2006 (со девтероканонски книги) bible

Сирахова 17

¹Тоа што луѓето Му должат на Бога [1] Господ го создаде човекот од земја, и пак во неа го враќа.

²На луѓето им даде одреден број денови и одредено време, им даде власт над сѐ што е на земјата.

³Ги облече во сила според нивната природа, ги создаде според образот Свој.

⁴Во секое создание вдахна страв кон нив, за да владеат над ѕверови и птици.

⁵Им даде разум, јазик и очи, уши и срца — да расудуваат.

⁶Ги исполни со знаење и разбирање, и им го покажа доброто и злото.

⁷Окото Свое го стави во нивните срца, за да им ја покаже величественоста на Своите дела.

⁸Тие ќе го прославуваат Неговото Свето име за да ја објавуваат големината на Неговите дела. Вечниот завет

⁹Го зголеми нивното знаење, законот на животот во наследство им го даде.

¹⁰Вечен завет направи со нив и ги поучи на Своите судови.

¹¹Очите нивни го видоа величието на славата, а увото нивно ја чу славата на Неговиот глас.

¹²Бог им рече: „Пазете се од секоја неправда.“ На секого од нив му заповеда како да се однесува со ближниот свој. Ништо не може да се сокрие од Господа

¹³Патиштата нивни секогаш се пред Него, нема да се сокријат од очите Негови.

¹⁴На секој народ водач му постави.

¹⁵А Израил е Господовиот дел.

¹⁶Сите нивни дела како сонце се пред Него; очите Негови секогаш ги пазат нивните патишта.

¹⁷Нивните неправди не се сокрија од Него; сите нивни гревови се пред Господа.

¹⁸Милостината човекова како печат е во Него, добротворството на човекот ќе го пази како зеницата на окото.

¹⁹Потоа ќе стане, на сите ќе им плати, платата нивна врз главата ќе им падне.

²⁰Само на покајниците им дозволува да се обрнат; ги бодри оние коишто изгубиле трпение. Повик за враќање кон Бога

²¹Сврти се кон Господа, остави ги гревовите;

²²моли се пред Него и намали ги навредите твои.

²³При Севишниот врати се, од неправдата одврати се; замрази ги одвратните работи.

²⁴Севишниот кој ќе Го прославува во пеколот, наместо оние коишто се живи и оддаваат почести?

²⁵Од мртовец нема прославување, бидејќи е мртов.

²⁶Оној што е жив и здрав ќе Го прославува Господа.

²⁷Колку е голема добрината на Господа и милоста кон оние што Му се обраќаат!

²⁸Човек не може сѐ,

²⁹зашто синот човечки не е бесмртен.

³⁰Има ли нешто посветло од сонцето? Но понекогаш и тоа потемнува. Исто така и телото и крвта на зло ќе помислат.

³¹Силите на високите небеса Тој Самиот ги надгледува, а сите луѓе се само прав и пепел.