Read Свето Писмо: Стандардна Библија 2006 (со девтероканонски книги) Сирахова 25 Bible Online

Сирахова 25 - Свето Писмо: Стандардна Библија 2006 (со девтероканонски книги) bible

Сирахова 25

¹Три добри и три лоши работи [1] Со три работи се украсив и станав убава пред Господа и пред луѓето:

²слога меѓу браќата и љубов меѓу ближните, маж и жена што живеат во слога.

³Три вида луѓе душата моја намрази, одвратен ми е нивниот живот:

⁴горделивец сиромав, богат лажливец и старец прељубник, кој слабо расудува. Предностите на староста

⁵Ако ништо не си собрал во младоста, како можеш да го имаш во староста?

⁶Колку ѝ прилега на седата коса да суди на старците — да умеат совет да даваат!

⁷Колку им прилега мудроста на старците и разумноста на чесните луѓе, коишто совет даваат!

⁸Големото искуство е круна на старците, а пофалбата нивна — страхопочитта кон Господа. Среќа поголема од другите

⁹Девет помисли ги сметам за блажени во моето срце, а десеттата сега ми е на јазик:

¹⁰тоа е човекот којшто се радува на деца и кој го доживува паѓањето на непријателите свои.

¹¹Блазе му на човекот којшто со жена разумна живее, кој не греши со јазикот свој и кој не му слугува на понедостоен од себе.

¹²Блазе му на оној кој придобил разумност и кој ја предава на уши што го слушаат.

¹³Колку е голем оној што ја нашол мудроста! Но не е подобар од оној што има страхопочит кон Господа.

¹⁴Страхопочитта кон Господа е над сѐ, и кој ја има — со што може да се спореди? Опасни жени

¹⁵Секоја рана може да се истрпи, само не и раната на срцето; секоја злоба може да се поднесе, само не и злобата на жената;

¹⁶и секој напад, само не напад од злобни; и секоја одмазда, само не одмазда од непријател.

¹⁷Нема глава поотровна од змиската, ниту има омраза посилна од омразата на непријателот.

¹⁸Повеќе сакам да живеам со лав и змеј отколку со лоша жена.

¹⁹Злобата на жената погледот ѝ го менува, лицето ѝ го помрачува како лице на мечка.

²⁰Ќе седне мажот нејзин меѓу пријателите, а кога ќе чуе за неа горко воздивнува.

²¹Секоја злоба е мала во споредба со женската злоба; ждрепката на грешник нека падне врз неа.

²²Каков е песочниот брег за нозете старечки, таква е жена кавгаџика за мирен маж.

²³Не загледувај се во женска убавина и не копнеј за наслада од жена.

²⁴Голем срам и грдост е кога жената управува со мажот свој.

²⁵Понижено срце, невесело лице и рана на срце — тоа е лошата жена.

²⁶Раце скршени и колена треперливи, таква е жената што не го весели мажот свој.

²⁷Од жена започнал гревот; поради неа сите умираме.

²⁸На водата не давај ѝ пукнатина, ниту на зла жена — власт;

²⁹ако не се управува според твојата волја, отпушти ја од себе.