Read Свето Писмо: Стандардна Библија 2006 (со девтероканонски книги) Сирахова 31 Bible Online

Сирахова 31 - Свето Писмо: Стандардна Библија 2006 (со девтероканонски книги) bible

Сирахова 31

¹Тешко е да се биде богат [1] Грижата за богатство телото го урива, копнежот по него — сонот го прогонува.

²Постојаните грижи не даваат дремка, а тешката болест сонот го одзема.

³Богатиот се трудел кога богатство собирал; кога се одмора се насладува со имотот свој.

⁴Сиромавиот се измачувал во немаштијата своја, а кога се одмора во беда запаѓа.

⁵Кој злато сака — не останува без грев; кој по гнилеж трча — со гнилеж се исполнува.

⁶Поради злато многумина паднале; неизбежна е нивната пропаст.

⁷Тоа е дрво за сопнување на оние што жртви му принесуваат; секој неразумен лесно се сопнува.

⁸Блазе на богат што останал чист и кој по злато не трча.

⁹Но кој е тој, за да го прославиме? Тој направил чудо меѓу народот свој.

¹⁰Кој бил искушуван од него и останал невин? — Затоа му припаѓа секоја чест.

¹¹Кој можел да греши, а не згрешил? Кој можел да направи зло, а не го направил?

¹²Богатството негово трајно ќе биде; собирот народен за добрините негови ќе зборува. Кога ќе седнеш на трпеза...

¹³Кога ќе седнеш на богата трпеза, не отворај го грлото свое широко кон неа, и не вели: „Многу има на неа!“

¹⁴Помни дека лакомото око е големо зло.

¹⁵Има ли меѓу сѐ што е создадено нешто полошо од око лакомо? Затоа тоа солзи рони по сѐ што ќе види.

¹⁶Каде што тоа гледа, ти не пружај рака, не судрувај се во чинијата со него.

¹⁷Помисли за потребите на оној до тебе; за сѐ што правиш размислувај.

¹⁸Јади како човек што ти е принесено; не прејадувај се, за да не те намразат.

¹⁹Од пристојност прв престани да јадеш и не биди лаком, за да не ги соблазниш другите.

²⁰Ако седиш со мнозина, прв рака пред нив не пружај.

²¹На добро воспитаниот и малку му е доволно; тој не се измачува на постелата своја.

²²Добар сон има оној кој умерено јаде; рано тој станува и полн е со свежина.

²³Лаком човек од несоница, од мачнина и од болки во стомакот страда.

²⁴Ако си се прејал, стани од трпезата и полесно ќе ти биде.

²⁵Послушај ме, синко мој, не заборавај; отпосле зборовите мои ќе ги разбереш.

²⁶Во сите работи претпазлив биди, и никаква болест нема да те снајде.

²⁷Штедриот на леб сите ќе го фалат; траен е споменот за неговата добрина.

²⁸Против стегнатиот на леб градот ќе негодува; за неговата стегнатост верно е сведоштвото. Виното

²⁹Не покажувај јунаштина во виното, зашто виното многумина погубило.

³⁰Како што во печката се проверува острицата на челикот, така во виното срцата на горделивите преку пијанството.

³¹Виното е корисно за животот на човекот ако се пие умерено.

³²Каков е животот без вино? Тоа е направено за веселба на луѓето.

³³Виното е радост за срцето и утеха на душата, ако се пие умерено и навреме,

³⁴а жалост е за душата кога многу се пие, кога се пие со страст и гнев.

³⁵Пијанството од виното ја зголемува жестокоста на неразумниот; силата негова ја одзема и му ги умножува раните.

³⁶На гоштевка при вино не прекорувај го ближниот; ако е весел, не подбивај се со него,

³⁷ништо лошо не зборувај му и не додевај му со барања.