Read Свето Писмо: Стандардна Библија 2006 (со девтероканонски книги) Сирахова 44 Bible Online

Сирахова 44 - Свето Писмо: Стандардна Библија 2006 (со девтероканонски книги) bible

Сирахова 44

¹Пофалба на предците [1] А сега да ги прославиме славните луѓе и претците на нашиот род.

²Многу славни дела Господ објави преку нив со Своето величие од века. Славните луѓе од минатото

³Тие се првенците во своите царства и мажи по својата сила прочуени, тие давале мудри совети и пророштва објавувале;

⁴Тие управувале со луѓето, ги советувале и ги учеле на дело книжно; мудри биле нивните зборови и учењето нивно,

⁵некои од нив милозвучни напеви и песни пишувале;

⁶некои од нив богати и силни биле, живееле мирно во своите домови.

⁷Сите биле почитувани во своите племиња, и во времето додека живееле, славни биле.

⁸Меѓу нив има и такви што по себе име си оставиле, за да разгласува за нивната слава; а за други и спомен нема, исчезнале како никогаш да не постоеле, како никогаш да не биле, а така исто и нивните деца по нив. Предците на Израил

⁹Но тоа биле луѓе побожни, чии праведни дела не се забораваат.

¹⁰Во потомството нивно живее добро наследство; потомците нивни се во заветите;

¹¹ќе остане потомството нивно и децата нивни поради нив.

¹²Потомството нивно ќе живее довека и нивната слава нема да се загуби.

¹³Во мир се погребани нивните тела, а имињата нивни во поколенијата ќе живеат;

¹⁴за нивната мудрост народите ќе раскажуваат и црквата нив ќе ги прославува. Енох

¹⁵Енох на Господа Му угодил и на небо беше однесен; тој е образец за покајание за сите поколенија. Ное

¹⁶Ное се претстави како совршен праведник; во времето на гневот обновител стана.

¹⁷Затоа за време на потопот — остаток на земјата стана.

¹⁸Завет вечен со него е направен: од потоп ништо живо веќе да не загине. Авраам

¹⁹Авраам е големиот татко на многу народи; по слава нема сличен на него.

²⁰Тој го запази законот на Севишниот и со Него во завет беше.

²¹Тој заветот на телото свое го утврди, и во искушенијата верен се покажа.

²²Затоа Господ со заклетва му вети дека сите народи во потомството негово ќе ги благослови.

²³Му вети дека ќе го умножи како правот на земјата, дека потомството негово како ѕвездите ќе го издигне и дека на потомците негови ќе им даде наследство од море до море и од Реката [1] до крајот на земјата. Исак и Јаков

²⁴И на Исак, заради татко му Авраам, Тој го потврди Својот благослов за сите луѓе и заветот;

²⁵А тој застана и врз главата на Јаков.

²⁶Тој штедро го награди со Своите благослови и му ја даде земјата во наследство, ја раздели на делови и во наследство му ја даде за дванаесетте племиња.

²⁷И од него призлезе човекот на милоста, кој придоби љубов од секое суштество.