Read Свето Писмо: Стандардна Библија 2006 (со девтероканонски книги) Сирахова 5 Bible Online

Сирахова 5 - Свето Писмо: Стандардна Библија 2006 (со девтероканонски книги) bible

Сирахова 5

¹Лажна сигурност [1] Не се потпирај на твоето богатство и не вели: „Доста ми е додека сум жив.“

²Не оди по своите желби и по твојата сила; не следи ги страстите на своето срце;

³не вели: „Кој што ми може?“ — зашто Господ ќе те казни.

⁴Не вели: „Ете, згрешив, па што ми стана?“ Знај дека Господ е долготрпелив.

⁵Не надевај се толку на тоа дека ќе ти биде простено; не натрупувај грев врз грев.

⁶Не вели: „Милоста на Господа е голема: Тој ќе ми ги прости многуте мои гревови;“

⁷зашто и милоста и гневот се во Него; Неговиот гнев се исипува врз грешниците.

⁸Не се колебај да се вратиш кај Господа, не одложувај го од ден на ден твоето обраќање;

⁹зашто, ненадејно ќе дојде Божјиот гнев и ти ќе загинеш во времето на одмаздата.

¹⁰Не надевај се на имоти неправедно стекнати зашто тие нема да ти помогнат кога неволјата ќе те посети. Обраќање кон одговорен човек

¹¹Не веј на секој ветар и не оди по сите патеки; тоа го прави лицемерен грешник.

¹²Биди решителен во твоите убедувања; зборот твој да биде еден.

¹³Биди подготвен да слушаш, и добро обмисли пред да одговориш.

¹⁴Ако знаеш, одговори му на својот ближен, а ако не знаеш, стави ја раката на својата уста.

¹⁵И славата и срамот доаѓаат од зборовите; во јазикот на човекот е неговата пропаст.

¹⁶Не биди клеветник и со јазикот свој не поставувај стапици.

¹⁷Крадецот го чека срам, а лицемерецот — тежок укор.

¹⁸Не бивај неразумен ни во големите, ниту во малите работи.