Read Свето Писмо: Стандардна Библија 2006 (со девтероканонски книги) Левит 2 Bible Online

Левит 2 - Свето Писмо: Стандардна Библија 2006 (со девтероканонски книги) bible

Левит 2

¹„Ако некој сака да Му принесе на Господ лебна жртва, нека принесе пченично брашно, и нека го прелие со масло, па на него нека стави темјан;

²нека ја донесе кај синовите Аронови, свештениците, а свештеникот да земе полна рака од брашното сосе масло и со сиот темјан, па нека ја изгори свештеникот на жртвеникот за спомен; тоа е жртва со пријатен мирис на Господ,

³а она што ќе остане од лебната жртва, нека биде за Арон и за неговите синови: тоа е најголема светиња меѓу жртвите на Господ.

⁴Ако, пак, се принесува како жртва лебен принос печен во печка, тоа нека бидат бесквасни лебови, замесени со масло, и бесквасни питки, намачкани со масло.

⁵Ако ти е жртвата дар печен во тава, нека биде од пченично брашно, замесено со масло, без квас;

⁶раскрши ја на парчиња и полеј ја со масло: тоа е лебен принос.

⁷Ако ти е лебниот принос жртва печена во подница, таа треба да биде направена од пченично брашно со масло.

⁸И принеси ја жртвата, што си ја приготвил од тоа, на Господ: претстави ја пред свештеникот, а тој нека ја положи на жртвеникот;

⁹и свештеникот нека земе дел од таа жртва за спомен и нека ја изгори на жртвеникот: тоа е жртва со благопријатен мирис пред Господ;

¹⁰остатокот, пак, од лебниот принос нека биде за Арон и синовите негови; тоа е најголема светиња меѓу жртвите на Господ.

¹¹Ниеден лебен принос, што Му го принесувате на Господ, не правете го со квас, зашто ни квас ниту мед не треба да се принесува како жртва на Господ.

¹²Принесувајте Му ги нив на Господ како првини од плодовите; но на жртвеникот да не се полагаат како пријатен мирис пред Господ.

¹³Секој лебен принос со сол засоли го, и не оставај ја својата жртва на заветот на твојот Бог без сол: при секоја твоја жртва принеси сол.

¹⁴Ако Му принесуваш на Господ лебен принос од првите житни плодови, принесувај ја како дар од своите први плодови во зрна од исчукани пресни класја, исушени на оган,

¹⁵полеј ги со масло и стави врз нив темјан: тоа е лебен принос,

¹⁶а свештеникот да изгори дел од зрната и маслото со сиот темјан за спомен: тоа е жртва на Господ.“