Read Свето Писмо: Стандардна Библија 2006 (со девтероканонски книги) Варух 5 Bible Online

Варух 5 - Свето Писмо: Стандардна Библија 2006 (со девтероканонски книги) bible

Варух 5

¹Ерусалиме, соблечи ја од себе облеката на плачот и на твоите маки и облечи се засекогаш со убавината на Божјата слава!

²Облечи се во облеката на правдата од Бога, стави го на својата глава венецот од славата на Вечниот;

³Бог ќе му ја покаже твојата слава на целиот свет под небото.

⁴Бог ќе те нарече засекогаш: мир на правдата и слава на побожноста.

⁵Ерусалиме, стани и застани на високо место, погледај кон исток и види ги твоите деца, собрани од исток до запад, по заповед на Светиот, радосни што Бог се сетил за нив.

⁶Тие отидоа пеш од тебе, од непријателот водени, но Бог ќе ги доведе кај тебе, носени во слава, како царски синови;

⁷Бог нареди да се снижат сите високи гори и вечните ридишта да се спуштат, а долините да се исполнат, за да се израмни земјата, та Израил цврсто да чекори со Божјата слава,

⁸а шумите и секое дрво миризливо, по Божја повелба, на Израил сенка да му прават.

⁹Бог ќе го води Израил во радост, со светлината на Својата слава, со Својата милост и правда.“