Read Свето Писмо: Стандардна Библија 2006 (со девтероканонски книги) Осија 12 Bible Online

Осија 12 - Свето Писмо: Стандардна Библија 2006 (со девтероканонски книги) bible

Осија 12

¹Ефрем пасе ветар и трча кон источниот ветар, по цел ден си ги намножува лагите и насилствата, склучува сојуз со Ашур, а во Египет праќа масло.

²Но и со Јуда Господ ќе има суд — Тој ќе го казни и Јаков за постапките негови, и Ќе му плати според делата негови.

³Уште во утробата мајчина тој го потиснуваше брата си, а кога порасна, тој се бореше и со Бога.

⁴Тој се бореше против ангел — и го победи; заплака и Го замоли; во Ветил Тој нѐ најде и таму зборуваше со нас.

⁵А Господ е Бог над силите; Јахве е името Негово.

⁶Врати се и ти кон својот Бог; биди милостив и справедлив, и секогаш надевај се на твојот Бог.

⁷Хананецот има неверни мерила во раката своја и сака да онеправдува.

⁸И Ефрем вели: „Сепак се збогатив, насобрав многу имот, макар што во сите мои работи не можат да најдат ништо незаконско, што би било грев.“

⁹Јас сум твојот Господ Бог уште од земјата египетска: пак ќе те населам да седиш во сеници како во деновите на празникот.

¹⁰Јас им зборував на пророците и ги умножував виденијата, а и преку пророците ќе донесам уништување.

¹¹Во Галаад има беззаконија, тие ќе бидат уништени. Во Гилгал колат за жртви телци, а жртвениците им стојат како купишта камења на меѓите од нивните ниви.

¹²Избега Јаков во Арам и Израил служеше за жена, а за жена и овци пасеше.

¹³Преку пророк го изведе Господ Израил од Египет и преку пророк Тој го пазеше.

¹⁴Ефрем многу Го разгневи Господа, па затоа Господ ќе ја остави крвта негова на него, и ќе му плати за неговите навреди.