Read Свето Писмо: Стандардна Библија 2006 (со девтероканонски книги) Захарија 3 Bible Online

Захарија 3 - Свето Писмо: Стандардна Библија 2006 (со девтероканонски книги) bible

Захарија 3

¹Потоа ми го покажа тој Исус, великиот свештеник, кој стоеше пред ангелот Господов, и сатаната, кој стоеше од Неговата десна страна, за да го обвинува.

²И му рече Господ на сатаната: „Господ да те укори сатано, Господ да те укори, Оној Кој го избра Ерусалим. Зар не е Тој гламја истргната од оган?“

³А Исус беше облечен во извалкана облека и стоеше пред ангелот,

⁴кој им одговараше и на оние што стоеја пред него, и им рече: „Соблечете ја од него извалканата облека“; и нему лично: „Ете, ја отфрлив од тебе вината твоја и те облекувам во свечена облека.“

⁵Потоа рече: „Ставете Му на главата чист повој“, и Му ставија на главата чист повој и го облекоа во свечена облека. А ангелот Господов стоеше.

⁶И ангелот Господов, му посведочи на Исус и му рече:

⁷„Вака вели Господ Саваот: Ако одиш по патиштата Мои и се придржуваш кон Моите уредби, ќе владееш со Мојот дом и ќе ги вардиш дворовите Мои. И Јас ќе ти дозволам да одиш меѓу тие луѓе што стојат овде.“

⁸„Но, послушај, Исусе, велик свештениче, ти и браќата твои, што се пред твоето лице, зашто тие луѓе се познати. Еве, Јас ќе го доведам Својот слуга — Зачетникот.

⁹Зашто, ете, тој е каменот што го поставувам пред Исус; на тој единствен камен има седум очи; ете, Јас ќе врежам натпис, вели Господ Саваот, и ќе го простам гревот на оваа земја во еден ден.“

¹⁰„Во тој ден, вели Господ Саваот, ќе се поканувате еден со друг под лозата и под смоквата.“