Read Свето Писмо: Стандардна Библија 2006 (со девтероканонски книги) Лука 3 Bible Online

Лука 3 - Свето Писмо: Стандардна Библија 2006 (со девтероканонски книги) bible

Лука 3

¹Во петнаесеттата година од владеењето на царот Тибериј, кога Понтиј Пилат беше управител во Јудеја, а Ирод четворовласник над Галилеја, и Филип, брат му, четворовласник на покраината Итуреја и Трахонитида, и Лисаниј четворовласник на Авилинија,

²во времето на првосвештениците Ана и Кајафа, дојде Божјата реч до Јован, синот на Захарија, во пустината.

³И тој го обиколи целиот крај околу Јордан, проповедајќи покајно крштевање за проштевање на гревовите,

⁴како што е напишано во книгата на зборовите на пророкот Исаија, кој вели: „Гласот на оној што вика во пустината: ‚Подгответе го Господовиот пат и исправете ги патеките Негови;

⁵секоја долина нека се исполни и секоја планина и секој рид нека се снизат; кривините нека се исправат и нерамните патишта нека се израмнат,

⁶и секое тело ќе го види спасението Божјо!‘“

⁷А на луѓето што доаѓаа кај него да ги крсти, им велеше: „Породи змиини, кој ви кажа да бегате од гневот што иде?

⁸Но, направете плод достоен за покајание и не почнувајте да зборувате во себе: ‚Наш татко е Авраам!‘ Зашто ви велам дека Бог може и од овие камења да издигне чеда на Авраам.

⁹Зашто веќе и секирата стои до коренот на дрвјата; и секое дрво, што не дава добар плод, се сече и се фрла во оган.“

¹⁰И го прашаа луѓето, велејќи: „Тогаш што треба да правиме?“

¹¹А тој им одговори и рече: „Кој има две облеки, нека ги подели со оној што нема ниту една; а кој има храна, нека го направи истото.“

¹²Дојдоа и цариници да ги крсти и му рекоа: „Учителе, што да направиме?“

¹³А тој им рече: „Не барајте повеќе отколку што ви е одредено.“

¹⁴Го прашаа и некои војници, говорејќи: „А што да правиме ние?“ И им рече: „Врз никого не извршувајте насилство, никого не клеветете и бидете задоволни со вашите плати.“

¹⁵А бидејќи народот беше во исчекување, па сите помислуваа во срцата свои за Јован, да не е тој Христос,

¹⁶Јован им одговараше на сите, велејќи: „Јас ве крштевам со вода; но иде посилен од мене, Кому не сум достоен да Му ги одврзам ниту ремчињата на обувките Негови: Тој ќе ве крсти со Дух Свети и со оган.

¹⁷Нему му е лопатата во раката Негова и Тој ќе го очисти гумното Свое, и ќе го собере житото во житницата Своја, а плевата ќе ја изгори со неизгаслив оган.“

¹⁸И опоменувајќи со уште многу други нешта, му ја објавуваше на народот радосната вест.

¹⁹А Ирод четворовласникот, укорен од него заради Иродијада, жената на брата му, и заради сите злодела што ги беше направил Ирод,

²⁰кон сето тоа додаде и уште едно: го затвори Јован во темница.

²¹А кога се крсти сиот народ, се крсти и Исус, и додека се молеше, се отвори небото,

²²и Светиот Дух слезе на Него во телесен облик, како гулаб, и се слушна глас од небото, кој велеше: „Ти си Мојот возљубен Син, во Кого е Мојата волја.“

²³Кога почна Исус да проповеда имаше околу триесет години и беше, како што мислеа, син Јосифов, Илиев,

²⁴Мататов, Левиев, Мелхиев, Јанаев, Јосифов,

²⁵Мататиев, Амосов, Наумов, Еслимов, Нагеев,

²⁶Маатов, Мататиев, Семеиев, Јосифов, Јудин,

²⁷Јоананов, Рисаев, Зоровавелов, Салатиилов, Нириев,

²⁸Мелхиев, Адиев, Косамов, Елмодамов, Иров,

²⁹Јосиев, Елиезеров, Јоримов, Мататов, Левиев,

³⁰Симеонов, Јудин, Јосифов, Јоананов, Елијакимов,

³¹Мелеаев, Маинанов, Мататаев, Натанов, Давидов,

³²Јесеев, Овидов, Воозов, Салмонов, Наасонов,

³³Аминадавов, Арамов, Есромов, Фаресов, Јудин,

³⁴Јаковов, Исаков, Авраамов, Тарин, Нахоров,

³⁵Серухов, Рагавов, Фалеков, Еверов, Салин,

³⁶Каинанов, Арфаксадов, Симов, Ноев, Ламехов,

³⁷Матусалов, Енохов, Јаредов, Малелеилов, Каинанов,

³⁸Еносов, Ситов, Адамов, Божји.