Read Свето Писмо: Стандардна Библија 2006 (со девтероканонски книги) Ефесјаните 4 Bible Online

Ефесјаните 4 - Свето Писмо: Стандардна Библија 2006 (со девтероканонски книги) bible

Ефесјаните 4

¹Браќа, јас, затвореник во Господ, ве молам да се однесувате достојно според звањето, за кое сте повикани,

²со сета понизност и кротост, со долготрпеливост, поднесувајќи се еден со друг со љубов,

³трудејќи се да го запазите единството на Духот преку врските на мирот.

⁴Едно тело сте и еден Дух, како што сте и повикани кон една надеж на вашето звање.

⁵Еден Господ, една вера и едно крштение,

⁶еден е Бог и Отец на сите, Кој е над сѐ, и преку сите, и во сите нас.

⁷А на секого од нас благодатта му е дадена според мерката на дарот Христов.

⁸Затоа е и речено: „Издигајќи се на височина, плени плен и им даде дарови на луѓето.“

⁹А што означува „издигајќи се“, ако не тоа дека Тој слезе пред тоа во најдолните места на земјата.

¹⁰Слегнатиот е истиот, Кој се издигна повисоко од сите небеса, за да исполни сѐ.

¹¹И Тој постави едни за апостоли, други за пророци, трети за благовестители, четврти за пастири и учители,

¹²за усовршување на светиите во делото на служењето, за изградување на Христовото тело,

¹³додека сите не го достигнеме единството на верата и познанието на Синот Божји, до состојба на совршен човек, до мера на возраста на Христовата полнота,

¹⁴та да не бидеме веќе мали деца што ги лула и занесува секој ветар на лажните учења, преку човечките заблуди, во лукавството на измама кон заблуда.

¹⁵Туку со љубов држејќи се за вистината во секој поглед да растеме во Оној, Кој е глава, Христос.

¹⁶Со Него целото тело е составено и склопено и сврзано преку сите дарувани врски, при дејството на секој дел, поради силите негови, нараснува за да се изградува во љубов.

¹⁷Ова, пак, го зборувам и сведочам во Господ; да не живеете повеќе како што живеат и другите незнабошци, по суетата на својот ум;

¹⁸помрачени во разумот, отуѓени од Божјиот живот поради нивното незнаење и тврдокорноста на нивното срце;

¹⁹дојдени до бесчувство, тие се предадоа на разврат и ненаситно вршат секаква нечистота.

²⁰Но вие не Го познавте така Христа,

²¹ако навистина сте чуле за Него и во Него сте биле поучувани — дека вистината е во Исус,

²²тогаш отфрлете го од себе стариот човек според вашето поранешно живеење, кој се распаѓа во измамливите желби,

²³за да се обновите со духот на својот ум

²⁴и да се облечете во новиот човек, создаден според Бога во вистинска праведност и светост.

²⁵Поради тоа, откако ја отфливте лагата, кажувајте си ја вистината секој на својот ближен, бидејќи сме делови еден на друг.

²⁶Гневете се, но не грешете: сонцето да не зајде над гневот ваш.

²⁷И не давајте му место на ѓаволот.

²⁸Крадецот да не краде веќе, туку нека се труди и подобро е да се труди со своите сопствени раце да го прави она што е добро, за да има што да му даде на оној што има потреба.

²⁹Никаков гнасен збор да не излегува од устата ваша, туку само добар, за надградување каде што треба, за да им даде благодат на оние што слушаат.

³⁰И не оскрбувајте Го Светиот Дух Божји со Кој сте запечатени за денот на откупувањето.

³¹Отстранете ја подалеку од вас секоја огорченост, јарост, гнев, викање и хулење заедно со секоја друга злоба.

³²Бидете еден спрема друг добри и милосрдни, проштавајќи си еден на друг, како што и Бог ви прости во Христа.