Read Свето Писмо: Стандардна Библија 2006 (со девтероканонски книги) 3 Јован 1 Bible Online

3 Јован 1 - Свето Писмо: Стандардна Библија 2006 (со девтероканонски книги) bible

3 Јован 1

¹Презвитерот — до возљубениот Гај, кого го љубам во вистината.

²Возљубен, се молам да бидеш здрав и во сѐ да ти биде добро, како што ѝ е добро на душата твоја.

³Многу се зарадував кога дојдоа браќата и посведочија за твојата вистина — односно како ти одиш во вистината.

⁴За мене нема поголема радост од тоа — да слушнам дека моите чеда одат во вистината.

⁵Возљубен, ти постапуваш верно во сѐ што го правиш за браќата и гостите.

⁶Тие ја посведочија твојата љубов пред Црквата. Добро ќе направиш ако ги приготвиш пред Бога како што треба.

⁷Бидејќи поради Неговото име тргнаа, не земајќи ништо од незнабошците.

⁸Ние сме, пак, должни да примаме такви, за да станеме соработници со вистината.

⁹Јас напишав неколку збора до Црквата, но Диотреф, кој сака да биде прв меѓу нив, не нѐ прими нас.

¹⁰Затоа, ако дојдам, ќе му спомнам за делата негови што ги прави, напаѓајќи нѐ со лоши зборови; и тоа не му е доволно, туку браќата сам не ги прима, а им забранува да ги примаат и оние кои сакаат да ги примат, и ги гони од Црквата.

¹¹Возљубени, не угледувајте се на злото, туку на доброто. Кој добро чини, од Бога е; а кој прави зло, не Го видел Бога.

¹²За Димитриј посведочија сите, па и самата вистина; а сведочиме, исто така, и ние; а вие знаете дека сведоштвото наше е вистинско.

¹³Многу имав да ти пишувам, но не сакав да ти напишам со мастило и перо,

¹⁴туку се надевам дека наскоро ќе те видам, и дека ќе позборуваме лице в лице.

¹⁵Мир за тебе! Те поздравуваат пријателите. Поздрави ги пријателите по име. Амин!