Read Библија, Константинов Битие (1 Moj.) 36 Bible Online

Битие (1 Moj.) 36 - Библија, Константинов bible

Битие (1 Moj.) 36

¹Ова е потомството на Исав, кој се викаше и Едом.

²Исав зеде за себе жени од хананските девојки: Ада, ќерка на Хетеецот Едон; Оливема, ќерка на Ана, внука на Евеецот Севетон;

³и Васемата, Исмаилова ќерка, сестра Навитова.

⁴Ада му го роди на Исава: Елифаза, а Васемата му ги роди Рагуила;

⁵Оливема ги роди: Еуса, Јеглома и Кореја. Тоа се Исавовите синови, кои му се родија во Ханаанската Земја.

⁶Исав ги зеде своите жени, своите синови, своите ќерки, сите деца на својот дом; својот добиток - крупен и ситен; сиот имот што го спечалил во Ханаанската Земја, и отиде во Сирската Земја, далеку од својот брат Јаков.

⁷Имено, нивниот имот толку се зголеми, што не можеа да останат заедно: крајот во кој престојуваа не можеше да ги издржава поради нивниот добиток.

⁸Така Исав, наречен Едом, се насели во планинскиот крај Сир.

⁹И така, ова е потомството на Исав, прататко на Едомците, во планинскиот крај Сир.

¹⁰Овие се имињата на Исавовите синови: Елифаз, син на Исавовата жена Ада; Рагуил, син на Исавовата жена Васемата.

¹¹Елифазови синови беа: Теман, Омар, Сефо, Готом и Кенез.

¹²Темна му беше соложница на Исавовиот син Елифаз; таа му го роди на Елифаза - Амалик. Тоа се потомците на Исавовата жена Ада.

¹³А овие се синовите на Рагуила: Нахат, Зара, Сама и Миза. Тие и беа синови на Исавовата жена Васемата.

¹⁴А овие пак се синови на Исавовата жена Оливема, Анината ќерка, Севегоновата внука; таа му ги роди на Исава: Еуса, Еглама и Кореја.

¹⁵Овие се родовски првенци на Исавовите потомци: потомците на Исавовиот првенец Елифаз: кнез Теман, кнез Омар, кнез Сефо, кнез Кенез,

¹⁶кнез Кореј, кнез Готом и кнез Амалик. Тоа се родовските главатари на Елифазовите, во Едомската Земја; тоа се Адините потомци.

¹⁷А овие се потомците на Исавовиот син Рагуил: кнез Нахат, кнез Зара, кнез Сама и кнез Миза. Тоа се родовските главатари на Рагуиловите во Едомската Земја; тоа се потомци на Исавовата жена Васемата.

¹⁸А овие се потомците на Исавовата жена Оливема: кнез Еус, кнез Еглам и кнез Кореј. Тоа се родовските главатари на Исавовата жена Оливема, Анина ќерка.

¹⁹Тие се синовите на Исав - Едом, нивни кнезови.

²⁰А овие се синовите на Кореецот Сир, жители на онаа земја: Лотан, Совил, Севетон, Ана,

²¹Дисон, Асар и Дисан. Тоа се првенците на Хорејците, на Сировите синови во Едомската Земја.

²²Лотанови синови беа: Хори и Емам; а Темна беше Лотанова сестра.

²³Овие беа Совилови синови: Алван, Манахат, Гевал, Сефо и Онам.

²⁴Севетонови синови беа: Аја и Ана. Ана е оној, кој ги најде топлите извори во пустината, додека ги чуваше ослињата на татка си Севатона.

²⁵Овие беа Анини деца: син Дисон и Анината ќерка Оливема.

²⁶Овие беа Дисонови синови: Амадан, Асван, Итран и Харан.

²⁷Овие беа Асарови синови: Валан, Заван и Акан.

²⁸А Дисанови синови беа: Уз и Аран.

²⁹Овие се кнезови на Хорејците: кнез Лотан, кнез Совил, кнез Севетон, кнез Ана,

³⁰кнез Дисон, кнез Асар и кнез Дисан. Тие беа кнезови на Хорејците, главатар по главатар, во Сирската Земја.

³¹Еве ги царевите, што царуваа во Едомската Земја, пред да завладее царот на Израелевите синови.

³²Веоровиот син Вел владееше во Едом; неговиот град се викаше Денава.

³³Кога умре Вел на негово место се зацари Јоав, син на Зара од Восора.

³⁴Кога умре Јоав на негово место се зацари Хусам од Теманската Земја.

³⁵Кога умре Хусам на негово место се зацари Адад, син Вададов, кој ги порази Мадијамците на Моавското Поле. Името на неговиот град беше Авит.

³⁶Кога умре Адад, место него се зацари Самла од Марсек.

³⁷Кога умре Самла, место него се зацари Саул од Роват, што е при Реката.

³⁸Кога умре Саул на негово место се зацари Валанан, Ахоров син.

³⁹Кога умре Валанан синот Ахоров, на негово место се зацари Адар. Името на неговиот град беше Пау. Неговата жена се викаше Метавеила. Беше Матредова ќерка, од Мезава.

⁴⁰Овие се имињата на Исавовите старешини со нивните имиња по родовите и по сместувањето: старешина Тамна, старешина Алва, старешина Етет,

⁴¹старешина Оливема, старешина Ила, старешина Финон,

⁴²старешина Кенез, старешина Теман, старешина Мивсар,

⁴³старешина Матедил и старешина Ирма. Тие беа едомски кнезови, според нивните населби во земјата што ја зазедоа. Тоа е Исав прататко на Едомците.