Read Библија, Константинов 1 Летописи 11 Bible Online

1 Летописи 11 - Библија, Константинов bible

1 Летописи 11

¹Тогаш сите Израелци се собраа кај Давида во Хеврон и рекоа: „Еве, ние сме од твојата коска и од твоето месо.

²Уште порано, додека Саул беше цар, ти управуваше со сите движења на Израел; Господ, твојот Бог, ти рече: ‘Ти ќе го пасеш Мојот Израелски народ, и ти ќе бидеш водач над Мојот народ Израел.’”

³Така дојдоа сите израелеви старешини кај царот во Хеврон, а царот Давид склучи со нив сојуз во Хеврон пред Господа, и го помазаа Давида за цар над Израел, како што Господ му имаше речено на Самоила.

⁴Тогаш Давид отиде со сите Израелци во Ерусалим, а тоа е Евус, зашто таму беа Евусејците и живееја во онаа земја.

⁵Но Евусејците му порачаа на Давида: „Не ќе влезеш ваму!” Сепак Давид ја освои Сионската Тврдина, односно Давидовиот Град.

⁶Зашто Давид рече: „Кој прв ќе ги порази Евусејците, ќе биде врховен началник и кнез.” Прв се искачи Серуиниот син Јоав и стана началник.

⁷Тогаш Давид се насели во таа тврдина; затоа ја нарекоа Давидов Град.

⁸Тогаш го изгради градот наоколу, од Милон до оградата, а Јоав го обнови другиот дел на градот.

⁹Давид стануваше сè посилен, зашто Господ над Војските беше со него.

¹⁰Еве ги началниците на Давидовите јунаци кои работеа јуначки покрај него за неговото царство со сиот Израел за да го зацарат, според Господовото слово, над Израел.

¹¹Еве го пописот на Давидовите јунаци: Ахмониевиот син Јасовеам, главатар на триесетмина; тој замавна со своето копје на триста и ги погуби одеднаш.

¹²По него Додовиот син Елеазар, Ахошанец, еден од трите јунаци.

¹³Тој беше со Давида во Фас-Дамим, кога Филистејците се собраа за бој, а таму имаше поле полно со јачмен; кога народот почна да бега пред Филистејците,

¹⁴тие застанаа сред тоа поле и го одбранија истепувајќи ги Филистејците. Така Господ им даде голема победа.

¹⁵Тројца од тие триесетмина еднаш слегоа до стената кај Давида во Одаламската Пештера, кога филистејските чети стоеја во Рафајската Долина.

¹⁶Тогаш Давид беше во своето укрепено место, а филистејската посада тогаш беше во Витлеем.

¹⁷Давид посака: „О кога некој би ме напил вода од Витлеемскиот Кладенец што е кај вратата!”

¹⁸Тогаш тие тројца продреа низ филистејскиот логор и, откако нацрпија вода од Витлеемскиот Кладенец, му ја донесоа и му ја дадоа на Давида. Но Давид не сакаше да пие, туку ја истури како налевница за Господа

¹⁹говорејќи: „Да не ми даде мојот Бог да го направам тоа! Зар да ја пијам крвта на овие луѓе? Та изложувајќи го животот на смрт, донесоа вода.” И не сакаше да пие. Ете тоа го направија тие тројца јунаци.

²⁰Ависеј, братот Јоавов, беше началник над триесетмина; тој замавнуваше со копје против триста, ги погуби и се прослави меѓу тројцата.

²¹Беше меѓу тројцата повиден од другите двајца, и им беше началник, ама не ги достигна првите тројца.

²²Венај син Јодаев, јунак од Кавсеил, богат со јуначки дела, ги уби двата сина на Ариел од Моав; тој во еден снежен ден слезе и уби лав сред јама.

²³Уби и некој Египетец, човек од пет лакти. Египетецот во раката имаше копје како ткајачко вратило, а тој излезе пред него со стап и, откако му го истрга на Египетецот копјето од раката, го уби со неговото копје.

²⁴Тоа го направи Јодаевиот син Венај и се прослави со името меѓу оние тројца јунаци.

²⁵Беше најпрочуен меѓу триесетмината, но не ги достаса оние тројца. Давид го постави за заповедник на своите телохранители.

²⁶Храбри јунаци беа: Јоавовиот брат Асаил, Додовиот син Елханан од Витлеем,

²⁷Арорецот Самот, Фелонецот Хелис;

²⁸Икисовиот син Ира, Текоец, Анатотецот Авиезер;

²⁹Хусецот Сивехај, Илај Ахохецот;

³⁰Марај Нетофатецот, Ваниниот син Хелед, Нетофатец;

³¹Риваевиот син Итај од Гаваја на Венијаминовите синови, Венај Фаратонецот;

³²Урај од Гаските Потоци, Авил Варумецот,

³³Елијав Салвонецот.

³⁴Синови на Асим Гизонецот: Сагиниот син Јонатан, Арарец;

³⁵Сахаровиот син Ахијам, Арарец, Уровиот син Елифал;

³⁶Ефер Мехирецот, Ахиј Фелонецот;

³⁷Есро Кармилецот, Есваевиот син Нарај;

³⁸Натановиот брат Јоил, Агиревиот син Мивар;

³⁹Амонецот Селек, Виротецот Нарај, штитоносец на Серуиниот син Јовав;

⁴⁰Ира Јетерецот, Гарив Јетерецот;

⁴¹Хетеецот Уриј, Алаевиот син Завад;

⁴²Сизиниот син Адина, Рувимец, началник на Рувимовото племе, и триесетмина со него.

⁴³Мехиниот син Анан и Јосафат Митнеецот.

⁴⁴Озиј Астеротецот, Сама и Ехил синови на Ароирецот Хотан;

⁴⁵Симриевиот син Едијаил и брат му Јоха Тисецот.

⁴⁶Махавецот Елил и Елнамовите синови Еривај и Осавиј и Моавецот Етем;

⁴⁷Елил, и Овид и Месовеецот Јасил.