Read Библија, Константинов 1 Летописи 24 Bible Online

1 Летописи 24 - Библија, Константинов bible

1 Летописи 24

¹Ароновите синови имаа свои редови, Аронови синови беа: Надав, Авијуд, Елеазар и Итамар.

²Но Надав и Авијуд умреа пред таткото и немаа деца; затоа свештеничката служба ја вршеа Елеазар и Итамар.

³Давид ги подели на редови нив и Садок, од Елеазаровите синови, и Ахимелех, од Итамаровите синови, според нивниот ред во нивната служба.

⁴Ама меѓу Елеазаровите синови се најдоа повеќе машки главатари отколку меѓу Итамаровите синови, па кога ги поделија, од Елеазаровите синови беа шеснаесет семејни главатари, а од Итамаровите синови само осум семејни главатари.

⁵Затоа ги поделија со жрепки, едните и другите, зашто посветените кнезови и Божјите кнезови беа и од Елеазаровите синови и од Итамаровите синови.

⁶Ги запиша Натанаиловиот син Семај, писар од Левиевото племе, пред царот, пред кнезовите, пред свештеникот Садок, пред Авијатаровиот син Ахимелех, пред главатарите на семејствата сред свештениците и левитите, земајќи по едно семејство за Елеазар, а пак по едно за Итамар.

⁷Првата жрепка падна на Јојарив, втората на Једај,

⁸третата на Харим, четвртата на Сеорим,

⁹петтата на Малхиј, шестата на Мејамин,

¹⁰седмата на Акос, осмата на Авиј,

¹¹деветтата на Исуј, десеттата на Сеханиј,

¹²единаесеттата на Елијасив, дванаесеттата на Јаким,

¹³тринаесеттата на Уфа, четиринаесеттата на Есевав,

¹⁴петнаесеттата на Вилга, шеснаесеттата на Имир,

¹⁵седумнаесеттата на Езир, осумнаесеттата на Афисис,

¹⁶деветнаесеттата на Петај, дваесеттата на Езекил,

¹⁷дваесет и првата на Јахин, дваесет и втората на Гамул,

¹⁸дваесет и третата на Делај, дваесет и четвртата на Мазиј.

¹⁹Тоа е нивниот ред во службата по кој треба да одат во Господовиот Дом, според своето правило, примено од татка им Арон, како што му заповеда Господ, Израелевиот Бог.

²⁰Од другите левиеви синови од Амрамовите синови беше Суваил; од Суваиловите синови Једај;

²¹од Реавиј, од Реавиевите синови главатарот Есиј;

²²од Исаровците Селомот; од Селомотовите синови Јат.

²³Ериниите синови: втор Амариј, трет Јазил, четвртиот Јекамеам.

²⁴Од Узиловите синови Миха; од Михините синови Самир.

²⁵Михиниот брат Есиј; од Есиевите синови Захариј;

²⁶Мерариеви синови: Малиј и Мусиј: синови на Јазиј; Вено.

²⁷Мерариеви синови од Јазиј, неговиот син: Соам, Захур и Ивриј;

²⁸од Малија Елеазар, кој немаше деца;

²⁹од Кис, Кисови синови, Ерамеил.

³⁰Мусиеви синови: Малиј, Едер и Јеремот. Тоа беа левитските синови според своите семејства.

³¹И тие фрлаа жрепки како и нивните роднини, Ароновите синови, пред царот Давид, пред Садок, пред Ахимелех и пред семејните главатари, сред свештениците и левитите, и тоа еднакво главатарот на семејството како и неговиот најмал брат.