Read Библија, Константинов 1 Летописи 26 Bible Online

1 Летописи 26 - Библија, Константинов bible

1 Летописи 26

¹Вратарски редови беа: Од Кореевците: Кореевиот син Меселимиј меѓу Асафовите синови;

²а Меселимиевите синови: првенецот Захариј, вториот Једијаил, третиот Зевадиј, четвртиот Јатнил,

³петтиот Ела, шестиот Јоанан, седмиот Елијоенај.

⁴Синови Овид-Едомови: првенецот Семај, вториот Јозавад, третиот Јоах, четвртиот Сахар, а петтиот Натанаил,

⁵шестиот Амил, седмиот Исахар, осмиот Феултај, зашто Го благослови Бог;

⁶а на неговиот син Семај му се родија синови, кои беа главатари во семејството, зашто беа храбри луѓе.

⁷Синови на Семај беа: Готни, Рафаил, Овид, Елзавад со своите браќа, храбри луѓе, Елиуј и Семахиј.

⁸Сите тие беа од Овид-Едомовите синови, тие и нивните синови и нивните браќа, храбри луѓе, способни за служба; беа шеесет и два од Овид-Едом.

⁹Меселимиеви синови и браќа, храбри луѓе, беа осумнаесет.

¹⁰Осини синови од Мерариевите синови: главатарот Симриј, иако не беше првенец, неговиот татко го постави за главатар;

¹¹вториот Хелкиј, третиот Тевалиј, четвртиот Захариј; сите синови и браќа на Ос беа тринаесет.

¹²Ова се вратарските редови. Главатари на овие јунаци беа, како и нивните браќа, чувари во служба на Господовиот Дом.

¹³Фрлаа жрепки, најмалиот како и најголемиот, по семејствата за секоја врата.

¹⁴Жрепката на исток му падна на Селимиј; неговиот син Захариј беше мудар советник. Кога ги фрлија жрепките, му падна жрепката на север,

¹⁵на Овид-Едом на југ; а на неговите синови на ризницата;

¹⁶на Суфим и Ос на запад со Салехетската Врата, на патот што води кон нагорницата; стражата беше до стража.

¹⁷Од исток четири на ден, од југ четири на ден; а кај ризницата по двајца.

¹⁸На храмската приградба, од запад, четворица на нагорништето, двајца кај приградбата.

¹⁹Тоа се вратарските редови меѓу Кореевите и Мерариевите синови.

²⁰Левити, нивни браќа, беа: Ахиј над ризницата на Божјиот Дом и над ризницата на посветените работи.

²¹Ладанови синови, Гирсоновци по Ладан, главатари на семејствата на Ладан Гирсоновецот, беа Ехиловците.

²²Ехиловците Зетам и брат му Јоил беа настојатели над ризницата на Господовиот Дом.

²³Од Амровците, од Исаровците, од Хевроновците и од Озиловците беа:

²⁴Севуил, син на Мојсеевиот син Гирсон, надгледник над сокровиштето.

²⁵Неговите браќа од Елиезер: Реавиј, син му, неговиот син Есаиј, неговиот син Јорам, неговиот син Зихриј, неговиот син Селомит.

²⁶Тој Селомит со своите браќа беше одговорен за сето сокровиште на посветените работи, кои ги посвети царот Давид со семејните главатари, со стотниците и со воените заповедници.

²⁷Посветија дел од воениот плен за да зајакне Господовиот Дом.

²⁸Сè што беа посветиле гледачот Самоил, Кисовиот син Саул, Нировиот син Авенир и Серуиниот син Јоав, сè посветено, беше под надгледништво на Селомит и на неговите браќа.

²⁹Исаровците Хенаниј и неговите синови беа над светските работи како надгледувачи и судии во Израел.

³⁰Хевроновците Асавиј и неговите браќа, илјада и седум стотини храбри луѓе, управуваа со Израел од оваа страна на Јордан кон запад во секоја Господова работа и во царската служба.

³¹Главатар на Хевроновците беше Јериј. Во четириесеттата година на Давидовото царување ги побараа семејните родословија на Хевроновците, и се најдоа меѓу нив храбри луѓе во Галадскиот Јазир.

³²Неговите браќа, храбри луге, беа две илјади и седум стотини семејни главатари; цар Давид ги постави над Рувимовото и над Гадовото племе и над половината Манасиево племе за сите Божји дела и за царските дела.