Read Библија, Константинов 1 Летописи 27 Bible Online

1 Летописи 27 - Библија, Константинов bible

1 Летописи 27

¹Израелевите синови според својот број. Главатарите на семејствата, илјадниците, стотниците и надгледувачите му служеа на царот во секоја работа. Доаѓаа и си одеа во одреди од месец до месец, во сите годишни месеци; секој одред имаше дваесет и четири илјади луѓе.

²Над првиот одред, во првиот месец, беше синот Завдилов Јасовеам. Во својот одред имаше дваесет и четири илјади луѓе.

³Им припаѓаше на Фаресовите синови и беше заповедник на сите военачалници во војската на првиот месец.

⁴Над одредот во вториот месец беше Ахошецот Додај, а военачалник во неговиот одред беше Миклот. Во својот одред имаше дваесет и четири илјади луѓе.

⁵Военачалник на третата војска, на третиот месец, беше синот на свештеникот Јодај, главатарот Венај. Во својот одред имаше дваесет и четири илјади.

⁶Тој Венај беше јунак меѓу трисетмината и над триесетмината, и во неговиот одред беше син му Амизавад.

⁷Четвртиот, во четвртиот месец, беше братот Јоавов Асаил, а по него син му Зевадиј. Во својот одред имаше дваесет и четири илјади.

⁸Петтиот, во петтиот месец, беше военачалник Езраелецот Самут, и во неговиот одред беа дваесет и четири илјади.

⁹Шести, во шестиот месец, беше Икисовиот син Ира, Текоанец.

¹⁰Седмиот, во седмиот месец, беше Фелонецот Хелис, од Ефремовите синови. Во својот ред имаше дваесет и четири илјади.

¹¹Осмиот, во осмиот месец, беше Хусатецот Сивехај, Зариевец. Во својот ред имаше дваесет и четири илјади.

¹²Деветтиот, во деветтиот месец, беше Анатотецот Авиезер, Венијаминец. Во својот одред имаше дваесет и четири илјади.

¹³Десеттиот, во десеттиот месец, беше Нетофатецот Марај, Зариевец. Во својот ред имаше дваесет и четири илјади.

¹⁴Единаесеттиот, во единаесеттиот месец, беше Фаратонецот Венај, Ефремовец. Во својот ред имаше дваесет и четири илјади.

¹⁵Дванаесеттиот, во дванаесеттиот месец, беше Нетофатецот Хелдај, Готонилец. Во својот одред имаше дваесет и четири илјади.

¹⁶Над Израелевите племиња кнезови беа: над Рувимовото Зихриевиот син кнезот Елиезер; над Симеоновото Машиниот син Сефатиј;

¹⁷над Левиевото Кемуиловиот син Асавиј; над Ароновото Садок;

¹⁸над Јудиното Елуиј од Давидовите браќа; над Исахаровото синот Михаилов Амриј;

¹⁹над Завулоновото синот на Овадиј, Исмај; над Нефталимовото Јеремот, синот Азрилов.

²⁰Над Ефремовите синови Исус синот Азазиев; над половината Манасиево племе Федаиниот син Јоил,

²¹над втората половина на Манасиевото племе во Галад синот Захариев Идо; над Венијаминовото Авенировиот син Јасил.

²²Над Дановото Јероамовиот син Азареил. Тоа беа кнезовите над израелските племиња.

²³Но Давид не даде да ги пребројат оние на кои им беа дваесет години и помалку, зашто Господ беше рекол дека ќе ги умножи како небеските ѕвезди.

²⁴Серуиниот син Јоав почна да врши попис, но не го заврши. Затоа гневот дојде врз Израел, и затоа тој број не беше примен во бројниот извештај на Летописот на царот Давид.

²⁵Настојател над царското сокровиште беше Адиловиот син Азмавет, а настојател над ризницата во земјата, во градовите, во селата и во тврдините, беше Озииниот син Јонатан.

²⁶Надгледувач над полските работници, кои ја обработуваа земјата, беше Езриј синот Хелувов.

²⁷Надгледувач над лозарите Раматецот Симеј. Надгледувач над приходот на лозјата, за внесување на вино, беше Сифмеецот Завдиј.

²⁸Надгледувач над маслинките и над црниците што се во Шефел беше Гедерецот Валанин; надгледувач над складиштата за масло Јоас.

²⁹Надгледувач над говедата што пасеа во Сарон беше Саронецот Ситрај. Надгледувач над крупниот добиток во долините беше Адлаевиот син Сафат.

³⁰Надгледувач над камилите Исмаилецот Овил. Надгледувач над магарињата Меронотецот Једај.

³¹Надгледувач над ситниот добиток (овците) Агарецот Јазиз. Сите тие беа настојатели над имотот на царот Давид.

³²Советник беше Давидовиот стрико Јонатан, мудар човек; беше и книжевник; а Ахмониевиот син Јехил беше со царските синови.

³³Ахитофел беше царски советник, Архиецот Хусај царев пријател.

³⁴Ахитофела го наследија Венаиниот син Јодај и Авијатар, Јоав беше царев военачалник.