Read Библија, Константинов 1 Летописи 6 Bible Online

1 Летописи 6 - Библија, Константинов bible

1 Летописи 6

¹Левиеви синови беа: Гирсон, Каат и Мерариј.

²Каатови синови: Амрам, Исар, Хеврон и Озил.

³Амрамови чеда: Арон, Мојсеј и Мирјама. Аронови синови: Надав и Авијуд, Елеазар и Итамар.

⁴На Елеазар му се роди Финес, на Финес му се роди Ависуј;

⁵на Ависуј му се роди Вукиј, на Вукиј му се роди Озиј,

⁶на Озиј му се роди Зерај, а на Зерај му се роди Марајот.

⁷На Марајота му се роди Амариј, на Амарија му се роди Ахитов;

⁸на Ахитова му се роди Садок; на Садока му се роди Ахимас;

⁹на Ахимаса му се роди Азариј, на Азарија му се роди Јоанан;

¹⁰На Јоанана му се роди Азариј, кој беше свештеник во Храмот што го изгради Соломон во Ерусалим.

¹¹На Азарија му се роди Амариј; на Амарија му се роди Ахитов;

¹²а на Ахитова му се роди Садок, на Садока му се роди Салум;

¹³на Салума му се роди Хелкиј, на Хелкија му се роди Азариј;

¹⁴на Азарија му се роди Јоседек.

¹⁵Јоседек отиде кога Господ ги одведе на заточение Јуда и Ерусалим преку Навуходоносоровата рака.

¹⁶Левиеви синови беа: Гирсон, Каат и Мерариј.

¹⁷Еве ги имињата на Гирсоновите синови: Ловениј и Симеј.

¹⁸Каатови синови беа: Амрам, Исар, Еврон и Озил.

¹⁹Мерариеви синови: Молиј и Мусиј. Ова се родовите на Левиевците според своите татковци.

²⁰Од Гирсон: син му Левениј, неговиот син Јат, негов син Зима,

²¹негов син Јоах, негов син Идо, негов син Зера, негов син Етрај.

²²Катови синови: син му Аминадав, неговиот син Кореј, негов син Асир,

²³негов син Елкана, негов син Евијасаф,

²⁴негов син Тахат, негов син Урил, негов син Озиј, негов син Саул.

²⁵Елканини синови: Амасај и Ахимот;

²⁶негов син Елкана, негов син Суфиј, негов син Махат;

²⁷негов син Елијав, негов син Јероам, негов син Елкана. Елканини синови:

²⁸Самоил, негов првенец, вториот Авиј.

²⁹Мерариеви синови: Молиј, неговиот син Симеј, негов син Уза,

³⁰негов син Симај, негов син Агиј, негов син Асаја.

³¹Ова се оние кои ги постави Давид за да се грижат за пеење во Господовиот Дом кога Ковчегот го најде таму своето почивалиште;

³²оние кои служеа пред Престојувалиштето пред Шаторот на средбата, пеејќи, додека Соломон не го изгради Господовиот Дом во Ерусалим, и кои ја вршеа службата според пропишан редослед.

³³Еве ги оние кои ја вршеа службата и нивните синови: од Каатовите синови: пејачот Еман, синот на Јоел, син на Самоил,

³⁴син на Елкана, син на Јероам, син на Елил, син на Тоја,

³⁵син на Суфа, син на Елкана, син на Мат, син на Амасај,

³⁶син на Елкана, син на Јоил, син на Азариј, син на Софониј,

³⁷син на Тахат, син на Асир, син на Авијасаф, син на Кореј,

³⁸син на Исар, син на Каат, син на Левиј, синот Израелев.

³⁹Брат му Асаф стоеше од десната страна; Асаф му беше син на Варахиј, синот на Симеј,

⁴⁰син на Михаил, син на Васиј, син на Малхиј,

⁴¹син на Етниј, син на Зера, син на Адај,

⁴²син на Етан, син на Зима, син на Симеј,

⁴³син на Јат, син на Гирсон, синот Левиев.

⁴⁴Мерариевите синови, нивните браќа, му стоеја од левата страна: Етан, синот на Кисиј, син на Авдиј, син на Малух,

⁴⁵син на Асавиј, син на Амасиј, син на Хелкиј;

⁴⁶син на Амасиј, син на Ваниј, син на Самир,

⁴⁷син на Молиј, син на Мусиј, син на Мерариј, синот Левиев.

⁴⁸Нивните браќа левити беа поставени за секаква служба во Шаторот на Божјиот Дом.

⁴⁹Арон и неговите синови принесуваа жртви паленици и врз кадилниот жртвеник, извршувајќи ја сета работа во Светината над светините и вршејќи го обредот за очистување од сè над Израел, според сè што заповеда Божјиот слуга Мојсеј.

⁵⁰Ова се Ароновите синови: син му Елеазар, неговиот син Финес, негов син Ависуј,

⁵¹негов син Вукиј, негов син Озиј, негов син Зерај,

⁵²негов син Мерајот, негов син Амариј, негов син Ахитов,

⁵³негов син Садок, негов син Ахимас.

⁵⁴Ова се нивните живеалишта според населбите во нивното подрачје: на Ароновите синови од Каатовото семејство - зашто ним им падна жрепката -

⁵⁵им го дадоа Хеврон во Јудејската Земја со пасиштата околу него.

⁵⁶Градското Поле и неговите села му ги дадоа на Ефрониевиот син Халев.

⁵⁷И така, им ги дадоа на Ароновите синови градовите - прибежишта Хеврон и Ливна со пасиштата, Јатир и Естемој со пасиштата,

⁵⁸Илон со пасиштата, Девир со пасиштата,

⁵⁹Асан со пасиштата и Вет-Семес со пасиштата.

⁶⁰Од Венијаминовото племе: Гаваја со пасиштата, Алемат со пасиштата и Анатот со пасиштата; и така тринаесет градови според нивните родови.

⁶¹На другите Каатови синови според племенските родови им паднаа со жрепка десет градови од половината Манасиево племе.

⁶²На Гирсоновите синови според нивните родови им припаднаа тринаесет градови од Исахаровото племе, од Асировото племе, од Нефталимовото племе и од Манасиевото племе во Васан.

⁶³На Мерариевите синови според нивните родови им припаднаа со жрепка дванаесет градови од Рувимовото племе, од Гадовото племе и од Завулоновото племе.

⁶⁴Така Израелевите синови им ги дадоа на левитите тие градови со пасиштата.

⁶⁵Ги дадоа со жрепка, од племето на Јудините синови, од племето на Симеоновите синови и од племето на Венијаминовите синови, тие градови кои се спомнати по име.

⁶⁶На оние кои беа од родовите на Каатовите синови, та добија со жрепка градови од Ефремовите племиња,

⁶⁷им ги дадоа како градови - прибежишта Сихем со пасиштата во Ефремовата Гора и Гезер со пасиштата,

⁶⁸Јокмеам со пасиштата, Вет-Орон со пасиштата,

⁶⁹Ејалон со пасиштата и Гат-Римон со пасиштата.

⁷⁰Од половината Манасиево племе им ги дадоа на родовите на другите Каатови синови: Анир со пасиштата и Вилеам со пасиштата.

⁷¹На Гирсоновите синови синови им ги дадоа од родовите на половината Манасиево племе Голан во Васан со пасиштата и Астарот со пасиштата.

⁷²Од Исахаровото племе Кедес со пасиштата, Даврат со пасиштата,

⁷³Рамот со пасиштата и Аним со пасиштата.

⁷⁴Од Асировото племе Масал со пасиштата, Авдон со пасиштата,

⁷⁵Хукок со пасиштата и Реов со пасиштата.

⁷⁶Од Нефталимовото племе Кедес во Галилеја со пасиштата, Амон со пасиштата и Киријатаим со пасиштата.

⁷⁷На другите Мерариеви синови им ги дадоа од Завулоновото племе Римон со пасиштата и Тавор со пасиштата.

⁷⁸Од онаа страна на Јордан, спроти Ерихон, на источната страна на Јордан, им ги дадоа од Рувимовото племе Восор во пустината со пасиштата, Јасу со пасиштата,

⁷⁹Кедимот со пасиштата и Мифат со пасиштата.

⁸⁰Од Гадовото племе Рамот во Галад со пасиштата, Маханаим со пасиштата,

⁸¹Есевон со пасиштата и Јазир со пасиштата.