Read Библија, Константинов 2 Летописи 27 Bible Online

2 Летописи 27 - Библија, Константинов bible

2 Летописи 27

¹А на Јотама му беа дваесет и пет години кога се зацари, а царуваше шеснаесет години во Ерусалим. Името на мајка му беше Еруса, Садокова ќерка.

²Правеше што е право во Господовите очи, сосем како татко му Озиј; само што не влезе во Господовиот Храм. Народот и натаму беше расипан.

³Ја изгради Горната Врата на Господовиот Дом; градеше многу и на Офилскиот Ѕид.

⁴Соѕида и градови по Јудејската Гора, а во горите дворци и стражарници.

⁵Војуваше против царот на Амоновите синови и ги победи. Во таа година Амоновите синови му дадоа сто сребрени таланти и десет илјади кори пченица и десет илјади кори јачмен. Амоновите синови му платија толку и во втората и во третата година.

⁶Така Јотам се зацврсти, зашто го среди својот живот пред Господа, својот Бог.

⁷Другите Јотамови дела и сите негови војни и патишта запишани се во книжниот Свиток за израелските и јудејските цареви.

⁸Му беа дваесет и пет години кога се зацари, царуваше шеснаесет години во Ерусалим.

⁹Тогаш Јотам почина кај татковците, и го погребаа во Давидовиот Град. На неговото место зацари син му Ахаз.